ନୂଆଦିଲ୍ଲୀ,୭।୭: ଆସନ୍ତାବର୍ଷ ବିଧାନସଭା ନିର୍ବାଚନ ହେବାକୁ ଥିବା ଉତ୍ତରପ୍ରଦେଶରୁ ସର୍ବାଧିକ ୭ ଜଣଙ୍କୁ କେନ୍ଦ୍ରରେ ମନ୍ତ୍ରୀପଦ ମିଳିଛି। ସେମାନେ ହେଲେ କୌଶଲ କିଶୋର, ଏସ୍.ପି. ବାଘେଲ, ପଙ୍କଜ ଚୌଧରୀ, ବି.ଏଲ୍. ବର୍ମା, ଅଜୟ କୁମାର, ଭାନୁ ପ୍ରତାପ ବର୍ମା ଏବଂ ଅନୁପ୍ରିୟା ପଟେଲ। କୌଶଲ ମୋହନଲାଲ୍ଗଞ୍ଜରୁ ଏମ୍ପି ଥିବାବେଳେ ଏସ୍.ପି. ବାଘେଲ ଆଗ୍ରାରୁ ୫ ଥର ଲୋକ ସଭାକୁ ନିର୍ବାଚିତ ହୋଇଛନ୍ତି। ସେହିପରି ପଙ୍କଜ ୟୁପିର ମହାରାଜଗଞ୍ଜରୁ ୬ ଥର ଏମ୍ପି ହୋଇଥିବା ବେଳେ ବି.ଏଲ୍. ବର୍ମା ଉତ୍ତରପ୍ରଦେଶରୁ ରାଜ୍ୟ ସଭା ସଦସ୍ୟ ଅଛନ୍ତି। ସେହିପରି ଅଜୟ କୁମାର ଖେରି ଆସନରୁ ଦୁଇଥର ଲୋକ ସଭାକୁ ଯାଇଥିବା ବେଳେ ଭାନୁପ୍ରତାପ ୫ ଥର ନିର୍ବାଚିତ ହୋଇଛନ୍ତି। ଅନୁପ୍ରିୟା ମିର୍ଜାପୁରରୁ ଲୋକ ସଭା ସଦସ୍ୟ ଅଛନ୍ତି। ଏହା ବ୍ୟତୀତ ମନ୍ତ୍ରିମଣ୍ଡଳ ସମ୍ପ୍ରସାରଣରେ ଗୁଜରାଟ ଓ ବିହାରକୁ ପ୍ରାଧାନ୍ୟ ଦିଆଯାଇଛି।