ବାଲିଆ,୧।୩ : ଉତ୍ତର ପ୍ରଦେଶର ବାଲିଆରେ ଜଣେ ବାଳିକାକୁ ବଳାତ୍କାର ଓ ଘଟଣାର ଭିଡିଓ ସୋସିଆଲ ମିଡିଆରେ ଶେୟାର କରିଥିବା ଅଭିଯୋଗରେ ସୋମବାର ପୋଲିସ ଜଣଙ୍କୁ ଗିରଫ କରିଛି। ଅଭିଯୁକ୍ତଙ୍କ ନାମ ଚନ୍ଦ୍ରମା ରାଜଭର (୨୪)। ଦୀର୍ଘ ଏକ ବର୍ଷ ହେଲା ୧୭ ବର୍ଷୀୟା ନାବାଳିକାଙ୍କୁ ବଳାତ୍କାର କରୁଥିବା ଅଭିଯୋଗରେ ଗିରଫ ହୋଇଛନ୍ତି ବୋଲି ସୁଖପୁରା ଥାନାର ଏସ୍ଏଚ୍ଓ ବୀରେନ୍ଦ୍ର ଯାଦବ କହିଛନ୍ତି। ଅଭିଯୁକ୍ତ ବଳାତ୍କାର ପରେ ଘଟଣାର ଭିଡିଓ ଫେସବୁକରେ ଶେୟାର କରିଥିଲେ।
ପୀଡ଼ିତା ଅଭିଯୋଗ କରିବା ପରେ ଭାରତୀୟ ପିଙ୍ଗଳ କୋଡର ପୋକ୍ସୋ ଆଇନ ଓ ଆଇଟି ଆଇନ ଆଧାରରେ ରାଜଭରଙ୍କୁ ଗିରଫ କରାଯାଇଛି। ଅଭିଯୋଗରେ ପୀଡ଼ିତା କହିଛନ୍ତି, ଗତ ଏକ ବର୍ଷ ହେଲା ଅଭିଯୁକ୍ତ ବହୁବାର ବଳାତ୍କାର କରିଥିଲେ। ଆଉ ଧମକ ଦେଇଥିଲେ ଏ ସମ୍ପର୍କରେ କାହାକୁ ନ ଜଣାଇବାକୁ।
