ଯୋଡ଼ା,୨୪ା୧୨(ଡି.ଏନ.ଏ.): ପଞ୍ଜାବ ରାଜ୍ୟରେ ହେବାକୁ ଥିବା ଜାତୀୟସ୍ତରୀୟ କରାଟେ ଚାମ୍ପିୟନଶିପରେ ଭାଗ ନେବା ପାଇଁ କେନ୍ଦୁଝର ଓଏମ୍ସି ଡିଏଭି ପବ୍ଲିକ ସ୍କୁଲର ଛାତ୍ରୀ ଉପାସନା ପୋଦାର ମନୋନୀତ ହୋଇଛନ୍ତି। ଚଳିତମାସ କରାଟେ ଗ୍ରେଡେସନ ପାଇଁ ଓଏମ୍ସି ମଲଟି କମ୍ପ୍ଲେକ୍ସଠାରେ ଏକ ପ୍ରଶିକ୍ଷଣ ଶିବିରର ଆୟୋଜନ କରାଯାଇଥିଲା। ଏଥିରେ ସମୁଦାୟ ୩୦ ଜଣ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରୁ ଉପାସନାଙ୍କ ସମେତ ଚିରସ୍ମିତା ପରିଡ଼ା, ନୈତିକ ମୁଣ୍ଡା, ମେହେକ ମୁଣ୍ଡା ଓ ଅନୁପ୍ରିୟା ସାହୁଙ୍କୁ ମାଷ୍ଟର ଅନୀଲ ସିଂହ, ମାଷ୍ଟର ସନ୍ଦୀପ ଗୁପ୍ତା ଚୟନ କରିଥିଲେ। ସେମାନଙ୍କ ମଧ୍ୟରୁ ଉତ୍ତମ ପ୍ରଦର୍ଶନ କରିଥିବା ଉପାସନା ପଞ୍ଜାବରେ ହେବାକୁ ଥିବା ଜାତୀୟସ୍ତର କ୍ରୀଡ଼ାକୁ ମନୋନୀତ ହୋଇଥିଲେ। ଡିଏଭି ସ୍କୁଲ ଅଧ୍ୟକ୍ଷ ସୌମେନ୍ଦ୍ର ନାୟକ ଏବଂ ଖଣି ପରିଚାଳକ ବିବେକାନନ୍ଦ ମଲ୍ଲିକ ତାଙ୍କୁ କୃତଜ୍ଞତା ଜ୍ଞାପନ କରିଥିଲେ।
