ଭୁବନେଶ୍ୱର,୨୯।୬(ବ୍ୟୁରୋ): ପରଲୋକରେ ଆକାଶବାଣୀର ପୂର୍ବତନ ସମ୍ବାଦପାଠକ ଉପେନ୍ଦ୍ର କୁମାର ପାହାଡସିଂହ। ଦିଲ୍ଲୀର ଏକ ଘରୋଇ ଡାକ୍ତରଖାନାରେ ହୃଦଘାତରେ ତାଙ୍କ ପରଲୋକ ଘଟିଥିବା ସୂଚନା ମିଳିଛି। ତେବେ ୯୦ ଦଶକରେ ଆକାଶବାଣୀର ଲୋକପ୍ରିୟ ସମ୍ବାଦପାଠକ ଥିଲେ ସେ। ଗୁରୁ ଗମ୍ଭୀର ସ୍ବରରେ ସମ୍ବାଦ ପଠନ ପାଇଁ ସେ ଘରେ ଘରେ ପରିଚିତ ଥିଲେ। ଏବେ ତାଙ୍କ ମୃତ୍ୟୁ ଖବର ପାଇବା ପରେ ଶୋକର ଛାୟା ଖେଳିଯାଇଛି। ରେଡିଓ କଥା ମନେ ପଡ଼ିବା ସମୟରେ ତାଙ୍କ ସ୍ବରରେ ‘ ସମ୍ବାଦ ପଢ଼ୁଛନ୍ତି ଉପେନ୍ଦ୍ର କୁମାର ପାହାଡସିଂହ’ ଉକ୍ତିଟି ମନେ ପଡେ। ଖବର ଜାଣିବାକୁ ଆଗ୍ରହ ନ ଥିଲେ ହେଁ ନାଁ ମୁଖସ୍ତ ହୋଇସାରିଥିଲା ବୋଲି ସୋସିଆଲ ମିଡିଆରେ ମତ ପ୍ରକାଶ ପାଉଛି। ସେ ଚିରକାଳ ମନେ ରହିବେ ବୋଲି ପ୍ରଶଂସକ କହୁଥିବା ଦେଖାଯାଉଛି।