ଲକ୍ଷ୍ନୌ,୧୦।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଉତ୍ତରପ୍ରଦେଶରେ ଗ୍ଲୋବାଲ ଶିଖର ସମ୍ମିଳନୀକୁ ଉଦ୍ଘାଟନ କରିଛନ୍ତି। ଏହି ଅବସରରେ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ଏହି ଶିଖର ସମ୍ମିଳନୀରେ ସମସ୍ତଙ୍କୁ ସ୍ବାଗତ। ମୋର ଦାୟିତ୍ୱ ପୂରଣ କରିବାକୁ ମୁଁ ଏହି ଶିଖର ସମ୍ମିଳନୀର ଏକ ଅଂଶ ହୋଇପାରିଛି। ୟୁପିର ଭୂମି ଏହାର ସାଂସ୍କୃତିକ ଗୌରବ ପାଇଁ ଜଣାଶୁଣା, ସେଥିପାଇଁ ମୋର ୟୁପି ପ୍ରତି ବିଶେଷ ଭଲପାଇବା ଅଛି। ଖୁବ୍ଶୀଘ୍ର ୟୁପି ଦେଶର ଏକମାତ୍ର ରାଜ୍ୟ ଭାବରେ ପରିଚିତ ହେବ, ଯେଉଁଥିରେ ୫ ଟି ଆନ୍ତର୍ଜାତୀୟ ବିମାନବନ୍ଦର ଅଛି। ଭିତ୍ତିଭୂମି ସହିତ, ଚିନ୍ତାଧାରା ଏବଂ ଆଭିମୁଖ୍ୟରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆସିଛି। ଆଜି ୟୁପି ଏକ ଆଶା ଏବଂ ଭରସା ପାଲଟିଛି । ଏକ ସମୟରେ ୟୁପିକୁ ବେମାର ରାଜ୍ୟ କୁହାଯାଉଥିଲା, ସମସ୍ତେ ୟୁପିରୁ ନିଜର ଆଶା ଛାଡିଦେଇଥିଲେ। ହେଲେ ଗତ ୫ରୁ ୬ ବର୍ଷ ମଧ୍ୟରେ ୟୁପି ନିଜର ନୂତନ ପରିଚୟ ସୃଷ୍ଟି କରିଛି।