ନୂଆଦିଲ୍ଲୀ,୨୫।୧: କେନ୍ଦ୍ର ଲୋକସେବା ଆୟୋଗ (ୟୁପିଏସ୍ସି ) ନୂତନ ନିଯୁକ୍ତି ପାଇଁ ବିଜ୍ଞପ୍ତି ଜାରି କରିଛି । ୟୁପିଏସ୍ସିର ଏହି ବିଜ୍ଞପ୍ତିରେ ଡ୍ରାଇଭର ପଦ ପାଇଁ ରହିଛି। ଷ୍ଟାଫ କାର୍ ଡ୍ରାଇଭର (ଅଡିନାରୀ ଗ୍ରେଡ) ଜେନେରାଲ ସେଣ୍ଟ୍ରାଲ ସର୍ଭିସ, ଗ୍ରୁପ-ବି, ଅଣ-ଗେଜେଟେଡ, ନନ୍-ମିନିଷ୍ଟ୍ରିୟଲ ପଦବୀରେ ନିଯୁକ୍ତି ପାଇଁ ବିଜ୍ଞପ୍ତି ଜାରି ହୋଇଛି। ତେବେ ଚୟନ ପ୍ରାର୍ଥୀମାନଙ୍କୁ ୧୯,୯୦୦ରୁ ୬୩,୨୦୦ ଟଙ୍କା ପ୍ରତି ମାସରେ ମିଳିବ।
ୟୁପିଏସ୍ସି ନିଯୁକ୍ତି ୨୦୨୪ ପାଇଁ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ ୫୬ ବର୍ଷରୁ କମ୍ ହୋଇନଥିବେ। ମନୋନୀତ ପ୍ରାର୍ଥୀଙ୍କୁ ୩ ବର୍ଷ ପାଇଁ ନିଯୁକ୍ତ କରାଯିବ। ବିଜ୍ଞପ୍ତିକୁ ଆଧାର କରି ପ୍ରାର୍ଥୀ ନିଶ୍ଚିତ ଭାବରେ ଏକ ସ୍ବୀକୃତିପ୍ରାପ୍ତ ବୋର୍ଡରୁ ଦଶମ ଶ୍ରେଣୀ ପାସ୍ କରିଥିବେ। ଏକ ବୈଧ ଲାଇସେନ୍ସ ମଧ୍ୟ ରହିବା ଜରୁରୀ । ମୋଟର ମେକାନିଜିମ ଜାଣିଥିବା ସହ ମୋଟର କାର୍ ଚଳାଇବାରେ ଅତି କମ୍ରେ ତିନି ବର୍ଷର ଅଭିଜ୍ଞତା ରହିଥିବ।