ସବୁ ଗଛ ଆକାଶ ଆଡ଼କୁ ବଢ଼ିଥାଏ। ଅର୍ଥାତ୍ ଚେର ଭୂମିକୁ ଜାବୁଡି ଧରିଥାଏ ଓ ତାହା ଉପର ଆଡ଼କୁ ବଢେ। କିନ୍ତୁ ରୋମରେ ଅଛି ଏଭଳି ଏକ ଅଜବ ଗଛ, ଯାହା ଉପରରୁ ତଳ ଆଡକୁ ବଢିଛି। ଭାବୁଥିବେ ଏହା କେମିତି ସମ୍ଭବ ବୋଲି। ଆଉ ଏହି ଅଜବ ଓଲଟା ଗଛକୁ ଦେଖିବା ପାଇଁ ଆସୁଛନ୍ତି ଅନେକ ପର୍ଯ୍ୟଟକ। ଇଟାଲୀ, ବକୋଲୀ ସହର ନିକଟରେ ଅଛି ପ୍ରାଚୀନ ସହର ବାଇଏ। ଏଠାରେ ଅଛି ଏକ ପୁରାତନ ରୋମନ ଆର୍କଓ୍ବେ ବା ଗୁମ୍ଫା ରାସ୍ତା, ଯେଉଁଠି ଏହି ଓଲଟା ଗଛ ଦେଖିବାକୁ ମିଳେ। ଉକ୍ତ ଗଛଟି ଏକ ଡିମିରି ବା ଫିଗ୍ ଗଛ ଅଟେ। ଏହି ଗଛଟି ଆର୍କଓ୍ବେର ଛାତରେ ହୋଇଛି। ଆଉ ତାହା ତଳ ଆଡକୁ ଝୁଲି ରହିଛି। ତେବେ ଏହି ଗଛଟି କିଭଳି ଛାତ ଉପରେ ହେଲା ଓ ତାହା କେବେଠୁ ଉଠିଛି ତାହା କେହି ଜାଣି ନାହାନ୍ତି। ସମୟକ୍ରମେ ଏହା ଅଧିକ ମଜଭୁତ ହୋଇଗଲାଣି ଓ ସେଥିରେ ଫଳ ବି ଧରିଲାଣି। ତେବେ ଏହି ଗଛ କିଭଳି ମାଧ୍ୟାକର୍ଷଣ ଶକ୍ତି ବିପରୀତ ବଢିଛି ତାହା ବୈଜ୍ଞାନିକମାନଙ୍କ ପାଇଁ ବି ଆଶ୍ଚର୍ଯ୍ୟ ହୋଇ ରହିଛି।