ଭୁବନେଶ୍ୱର,୧।୪: ଅପ୍ଷ୍ଟକ୍ସର ନୂତନ ଅଭିଯାନ ‘କଟ୍ ଦି କିଟ୍ କିଟ୍, ଗେଟ୍ ଦି ମାର୍କେଟ୍’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷ କରି ଏହି ଅଭିଯାନ ଜରିଆରେ ବ୍ରାଣ୍ଡ୍ ବଜାରର କୋଳାହଳ ଓ ଅତ୍ୟଧିକ ସୂଚନାରୁ ଆଗକୁ ବଢ଼ି ଠିକ୍ ନିବେଶ ଲାଗି ଖୁଚୁରା ନିବେଶକମାନଙ୍କୁ ସାହାଯ୍ୟ କରିବା ଲାଗି ଅପଷ୍ଟକ୍ସ ଲକ୍ଷ୍ୟ ରଖିଛି। ଏପରିକି ଏକ ଅନୁଧ୍ୟାନରୁ ଜଣାଯାଇଛି ଯେ ମିସ୍ ସେଲିଂ, ବିଭ୍ରାନ୍ତିକର ପରାମର୍ଶ, ଅତ୍ୟଧିକ ସୂଚନା ଏବଂ ଜଟିଳ ଶବ୍ଦ ନିବେଶ ସଫଳତା ପଥରେ ଏକ କଣ୍ଟା ଭଳି ଛିଡାହୋଇଛି, ସେଥିପାଇଁ ଅନେକ ସମୟରେ ଏଭଳି ନିଷ୍ପତ୍ତିି ନେବାକୁ ପଡ଼ିଥାଏ, ଯାହା ଲୋକଙ୍କ ଆର୍ଥିକ ଲକ୍ଷ୍ୟ ସହ ସମନ୍ବିତ ହୋଇପାରିନଥାଏ।
ସେହିଭଳି ଆଶାୟୀ ଗ୍ରାହକମାନେ ପ୍ରାୟତଃ ମ୍ୟୁଚୁଆଲ ଫଣ୍ଡରେ ନିବେଶ କରିବା ସମୟରେ ଅତ୍ୟାବଶ୍ୟକ ବିପଦ ଏବଂ ଖର୍ଚ୍ଚ ଅପେକ୍ଷା ରିଟର୍ନକୁ ପ୍ରାଥମିକତା ଦିଅନ୍ତି, ଉପଯୁକ୍ତ ମୂଲ୍ୟାୟନ ନକରି ସେମାନେ ୧କୋଟି ଟଙ୍କାର ଟର୍ମ ଇନସ୍ୟୁରାନ୍ସ ପ୍ଲାନ୍ ବାଛନ୍ତି। ଏଭଳି ଅଭ୍ୟାସ ଯୋଗୁ ନିବେଶକମାନଙ୍କ ମଧ୍ୟରେ ଅସନ୍ତୁଷ୍ଟତା ଦେଖାଦେଇଥାଏ। ଏହି ଆହ୍ବାନଗୁଡ଼ିକୁ ସ୍ବୀକାର କରି ଅପ୍ଷ୍ଟକ୍ସ ଏହାର ଗ୍ରାହକମାନଙ୍କ ପାଇଁ ପଦକ୍ଷେପ ନେଇଛି। କମ୍ପାନୀ ବଜାରର କିଟ୍-କିଟ୍ (ଶବ୍ଦ) ହ୍ରାସ କରିବାକୁ ଚାହୁଁଛି ଏବଂ ଗ୍ରାହକଙ୍କ ପାଇଁ ଉପଯୁକ୍ତ ଉପକରଣରେ ନିବେଶ କରି ସମ୍ପତ୍ତି ସୃଷ୍ଟି ପାଇଁ ଉତ୍ସାହିତ କରିବାକୁ ଚାହୁଁଛି। ନିବେଶକମାନଙ୍କ ପାଖରେ ଏହି ବାର୍ତ୍ତା ପହଞ୍ଚାଇବା ପାଇଁ ଅପ୍ଷ୍ଟକ୍ସ ପକ୍ଷରୁ ‘କଟ୍ ଦ କିଟ୍ କିଟ୍, ଗେଟ୍ ଇନ୍ ଦି ମାର୍କେଟ’କୁ ନେଇ ଏକ ଭିଡିଓ ଶୁଭାରମ୍ଭ କରାଯାଇଛି।
