ବାରିପଦା ଅଫିସ, ୧୬ା୨- ବାରିପଦା ଅର୍ବାନ ବ୍ୟାଙ୍କର ଜମାକାରୀ ସେମାନଙ୍କ ଟଙ୍କା ଫେରିପାଇବେ। ରେଜିଷ୍ଟ୍ରାର ଅଫ୍ କୋ-ଅପରେଟିଭ୍ ସୋସାଇଟି (ଆରସିଏସ୍)ଙ୍କ କାର୍ଯ୍ୟାଳୟ ପତ୍ର ସଂଖ୍ୟା ୨୭୨୧ ତା୧୫ା୨ା୨୧ରେ ବାରିପଦା ଡ଼ିଭିଜନ ଡ଼େପୁଟି ରେଜିଷ୍ଟ୍ରାର ଅଫ୍ କୋ-ଅପରେଟିଭ୍ ସୋସାଇଟ୍ (ଡିିଆର୍ସିଏସ୍)ଙ୍କୁ ଟଙ୍କା ଫେରସ୍ତ ପାଇଁ ଦେଇଥିବା ଆଦେଶରୁ ଏହା ଜଣାପଡ଼ିଛି। କଟକର ଆଡଭୋକେଟ ଜେନେରାଲ ଓଡ଼ିଶାଙ୍କ କାର୍ଯ୍ୟାଳୟର ଅତିରିକ୍ତ ସରକାରୀ ଓକିଲଙ୍କ ପତ୍ରସଂଖ୍ୟା ୪୬୮୯ ତା୧ା୨ା୨୦୨୧ ଓ ରାଜ୍ୟ ସରକାରଙ୍କ ସହଯୋଗ (କୋ-ଅପରେସନ) ବିଭାଗ ମେମୋ ନଂ.୧୪୦୦ ତା୧୫ା୨ା୨୦୨୧ରିଖକୁ ଭିିତ୍ତି କରି ଆରସିଏସ୍ ବାରିପଦା ଡ଼ିଆରସିଏସଙ୍କୁ ଏହି ଆଦେଶ ଦେଇଛନ୍ତି ା ଆଦେଶ କାର୍ଯ୍ୟକାରୀ ହେଲେ ବ୍ୟାଙ୍କରେ ରଖିଥିବା ୭୨କୋଟି ଟଙ୍କା ଜମାକାରୀମାନେ ଫେରିପାଇବେ। ୨୦୧୨ରୁ ବାରିପଦା ଆର୍ବାନ ବ୍ୟାଙ୍କର ୩୬୯୮୪ ଜମାକାରୀ ସେମାନଙ୍କ ଟଙ୍କା ଉଠାଇ ନ ପାରି ହୀନସ୍ତା ହେଉଛନ୍ତି। ଟଙ୍କା ଫେରସ୍ତ ନିମନ୍ତେ ପୂର୍ବତନ ପରିଚାଳନା ପରିଷଦର ପ୍ରଚେଷ୍ଟା କ୍ରମେ ଉଚ୍ଚ ନ୍ୟାୟାଳୟରେ ଦାଖଲ ହୋଇଥିବା ମିସ୍ କେଶ ନଂ. ଆଇଏ ୬୯୫/୨୦୨୦ର ବିଚାର କରି ବିଚାରପତି ପ୍ରମଥ ପଟ୍ଟନାୟକ ଜମାକାରୀମାନଙ୍କୁ ସମସ୍ତ ଟଙ୍କା ଫେରସ୍ତ ନିମନ୍ତେ ନିର୍ଦ୍ଦେଶ ଦେଇଥିଲେ। ପରେ ଆର୍ବାନ ବ୍ୟାଙ୍କ ପକ୍ଷରୁ ଜମାକାରୀମାନଙ୍କୁ ୩ କୋଟି ୪୬ ଲକ୍ଷରୁ ଅଧିକ ଟଙ୍କା ଫେରସ୍ତ ଦିଆଯାଇଥିଲା ା ତେବେ ଏହି ସମୟରେ ଭାରତୀୟ ରିଜର୍ଭ ବ୍ୟାଙ୍କ ଟଙ୍କା ଫେରସ୍ତ ଉପରେ ସ୍ଥଗିତାଦେଶ ଦେବାରୁ ଏହି ପ୍ରକ୍ରିୟା ବନ୍ଦ ଥିଲା ା