ଅହମ୍ମଦାବାଦ,୧୫।୧୦: ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ-ପାକିସ୍ତାନ ମ୍ୟାଚ ଦେଖିବାକୁ ବଲିଉଡର ସୁନ୍ଦର ଅଭିନେତ୍ରୀ ଉର୍ବଶୀ ରଉତେଲା ପହଞ୍ଚିଥିଲେ। ଏହି ସମୟରେ ଅଭିନେତ୍ରୀଙ୍କ ଆଇଫୋନ୍ ହଜିଯାଇଥିଲା। ଏହା ସୂଚନା ସେ ନିଜେ ସୋସିଆଲ ମିଡିଆରେ ଦେଇଛନ୍ତି।
ସେ ଅହମ୍ମଦାବାଦ ପୋଲିସକୁ ଟ୍ୟାଗ କରି ଲେଖିଛନ୍ତି – ମୋର ୨୪ କ୍ୟାରେଟ ଆଇଫୋନ ନରେନ୍ଦ୍ର ମୋଦୀ ଷ୍ଟାଡିୟମରେ ହଜିଯାଇଛି। ଦୟାକରି ଯଦି କେହି ଏହାକୁ ପାଆନ୍ତି, ତୁରନ୍ତ ଯୋଗାଯୋଗ କରନ୍ତୁ। ବର୍ତ୍ତମାନ ଅଭିନେତ୍ରୀ ମଧ୍ୟ ଏହି ପୋଷ୍ଟକୁ ନିଜ ଇନଷ୍ଟାଗ୍ରାମ ଆକାଉଣ୍ଟର ଷ୍ଟାଟସ୍ରେ ଶେୟାର କରିଛନ୍ତି।
ଏହାପୂର୍ବରୁ ଉର୍ବଶୀ ରାଉତେଲା ତାଙ୍କ ଷ୍ଟାଡିୟମରୁ ଏକ ଭିଡିଓ ଶେୟାର କରିଥିଲେ। ଯେଉଁଥିରେ ଭାରତ ବିଜୟ ଆଡକୁ ଗତି କରୁଥିବା ଦେଖି ସେ ବହୁତ ଖୁସି ମନେ ହେଉଛନ୍ତି। ଟିମ ଇଣ୍ଡିଆକୁ ସମର୍ଥନ କରିବା ପାଇଁ ଅଭିନେତ୍ରୀ ନୀଳ ରଙ୍ଗର ପୋଷାକ ପିନ୍ଧି ଷ୍ଟାଡିୟମରେ ପହଞ୍ଚିଥିଲେ। ତାଙ୍କ ପ୍ରଶଂସକମାନେ ଅଭିନେତ୍ରୀଙ୍କ ଏହି ଲୁକକୁ ବହୁତ ପସନ୍ଦ କରିଛନ୍ତି।
ଉର୍ବଶୀଙ୍କୁ କିଛି ଦିନ ପୂର୍ବରୁ ବିଗ ବସ ଓଟିଟି ୨ ବିଜେତା ଏଲଭିଶ ଯାଦବଙ୍କ ସହ ଏକ ମ୍ୟୁଜିକ ଆଲବମରେ ଦେଖିବାକୁ ମିଳିଥିଲ। ଖୁବଶୀଘ୍ର ଅଭିନେତ୍ରୀଙ୍କୁ କିଛି ବଡ ପ୍ରୋଜେକ୍ଟରେ ଦେଖିବାକୁ ମିଳିବ।