ମୁମ୍ବାଇ: ବଲିଉଡ୍ ଅଭିନେତ୍ରୀ ଉର୍ଫି ଜାଭେଦ କିଛି ନା କିଛି କାରଣ ପାଇଁ ଚର୍ଚ୍ଚାରେ ରହିଥାନ୍ତି। ବିଶେଷକରି ସେ ତାଙ୍କର ପୋଷାକ ପରିଚ୍ଛଦକୁ ନେଇ ଅଧିକ ଚର୍ଚ୍ଚାରେ ଥାନ୍ତି। କେବେ ଅଖାରେ ତିଆରି ଡ୍ରେସ୍ ପିନ୍ଧି ଚର୍ଚ୍ଚାରେ ରହିଥାନ୍ତି ତ ଆଉ କେତେବେଳେ ମୋବାଇଲ ବ୍ୟାଟେରି, ପୁଣି କେତେବେଳେ ପକ୍ଷୀର ପର ପିନ୍ଧି ଚର୍ଚ୍ଚାରେ ରହିଥାନ୍ତି। ତାଙ୍କର ଏହି ଲୁକ୍ ପାଇଁ ଅନେକ ଥର ତାଙ୍କୁ ହତ୍ୟା ଧମକ ମଧ୍ୟ ମିଳିଛି। ଏ ସମ୍ପର୍କରେ ନିଜେ ଉର୍ଫି ତାଙ୍କ ଫ୍ୟାନମାନଙ୍କ ସହ ସୋସିଆଲ ମିଡିଆରେ ଶେୟାର କରିସାରିଛନ୍ତି।
ଏବେ ଉର୍ଫି ଏକ ଅଡୁଆରେ ଫସିଛନ୍ତି। ଶୁକ୍ରବାର ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଦୁଇ ମହିଳା ପୋଲିସ ଉର୍ଫିଙ୍କୁ ଧରି ନେଉଥିବା ଦେଖିବାକୁ ମିଳିଛି। ଭିଡିଓରେ ଶୁଣିବାକୁ ମିଳୁଛି ଜଣେ ମହିଳା ପୋଲିସ ଅଫିସର ଉର୍ଫିଙ୍କୁ କହୁଛନ୍ତି, ଏତେ ଛୋଟ ଡ୍ରେସ୍ ପିନ୍ଧି କିଏ ବୁଲୁଛି। ଏହି ଫଟୋରେ ସେ ଏକ ଭଙ୍ଗା ହାର୍ଟ ଏବଂ ବ୍ୟାକ୍ଲେସ୍ ଟପ୍ ସହ ଜିନ୍ସ ପିନ୍ଧିଛନ୍ତି।
ପ୍ରକାଶ ଥାଉକି, ଉର୍ଫି ପ୍ରକୃତରେ ଛୋଟ ପୋଷାକ ପିନ୍ଧିଥିବାରୁ ପୋଲିସ ତାଙ୍କୁ ଅଟକ ରଖିଛି ନା ଏହା ତାଙ୍କର କିଛି ନୂଆ ପ୍ରଚାର ପ୍ରସାର, ତାହା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। କିନ୍ତୁ ଆମେ ଆପଣଙ୍କୁ କହିବୁ ଯେ, ଉର୍ଫି ବାନ୍ଦ୍ରା ପୋଲିସ ଷ୍ଟେଶନରେ ପହଞ୍ଚିଛନ୍ତି।