ମୁମ୍ବାଇ: ବଲିଉଡ୍ ନାୟିକା ଉର୍ବଶୀ ରୌତେଲା ନିଜର ହଟ୍ ଲୁକ୍ସ ଓ ଜବରଦସ୍ତ ଡ୍ରେସିଂ ସେନ୍ସକୁ ନେଇ ସବୁବେଳେ ରହିଥାଆନ୍ତି ଚର୍ଚ୍ଚାରେ । ପ୍ରତିଥର ଉର୍ବଶୀଙ୍କ ଖାସ୍ ଅନ୍ଦାଜ ହିଁ ତାଙ୍କ ପ୍ରଶଂସକଙ୍କୁ ମତୁଆଲା କରିଥାଏ । ଏବେ ଉର୍ବଶୀ ଆରବର ଏକ ଫେମସ ମାଗାଜିନ ପାଇଁ ଫଟୋ ଶୁଟ୍ କରି ସୋସିଆଲ ମିଡିଆରେ ହଙ୍ଗାମା କରିଛନ୍ତି । ଏହି ଶୁଟ୍ରେ ଉର୍ବଶୀ ଏକ ହେଭି ରେଡ ଗାଉନରେ ମରୁଭୂମି ମଝିରେ ଠିଆ ହୋଇ ଖୁବ୍ ସୁନ୍ଦର ପୋଜ୍ ଦେଇଥିବା ଦେଖାଯାଇଛି । ପୂର୍ବରୁ ଉର୍ବଶୀ ତାଙ୍କ ଅଫିସିୟାଲ ଇନଷ୍ଟାଗ୍ରାମରେ ଅନେକ ଗ୍ଲାମସର ଫଟୋ ଶେୟାର କରିଥାଆନ୍ତି । ଏଥର ମାଗାଜିନ୍ ପାଇଁ ଯେଉଁ ଫଟୋ ଶୁଟ୍ କରିଛନ୍ତି ତାକୁ ଶେୟାର କରି ସେ ଲେଖିଛନ୍ତି @Soularabiaofficial କଭରରେ ନଜର ଆସୁଥିବା ମୁଁ ପ୍ରଥମ ଏସିଆନ୍ ଓ ଇଣ୍ଡିଆନ୍ ଆକ୍ଟ୍ରେସ୍ । ଏହାପରେ ଉର୍ବଶୀ ଲେଖିଛନ୍ତି, ସ୍ୱପ୍ନ ସତ ହୁଏ, ହେଲେ ଯେଉଁ ପର୍ଯ୍ୟନ୍ତ ଏହି ସ୍ୱପ୍ନକୁ ପୂରଣ କରିବାକୁ କଠିନ ପରିଶ୍ରମ କରାଯାଏ । କାରଣ ଆମ ସ୍ୱପ୍ନର ଖୁବ୍ ଡିମାଣ୍ଡ ରହିଛି । ସୂଚନାଯୋଗ୍ୟ, ଉର୍ବଶୀ ରୌତଲା ଏହି ଫଟୋ ଶୁଟ୍ ଆରବର ପ୍ରସିଦ୍ଧ ମାଗାଜିନ୍ ସୋଲ (SOUL) ର କଭର ପେଜ୍ ପାଇଁ କରିଛନ୍ତି । ଏଥିରେ ଉର୍ବଶୀ ଯେଉଁ ରେଡ୍ କଲର ଗାଉନ୍ ପିନ୍ଧିଛନ୍ତି ଏହାର ଦାମ ରହିଛି ୨୫ ଲକ୍ଷ ଟଙ୍କା । ଏବେ ଉର୍ବଶୀଙ୍କ ଏହି ଗ୍ଲାମରସ୍ ଫଟୋ ଶୁଟ୍ ସୋସିଆଲ ମିଡିଆରେ ଭାଇରାଲ ହେଉଛି ।