ହାଇଦ୍ରାବାଦ: ପୁଣି ଖବରରେ ଅଭିନେତ୍ରୀ ଉର୍ବଶୀ ରୌତେଲା । ନିଜଠାରୁ ୩୪ ବର୍ଷ ବଡ଼ ଅଭିନେତାଙ୍କ ସହ ତାଙ୍କ ବୋଲ୍ଡ ନୃତ୍ୟକୁ ହଜମ କରିପାରୁ ନାହାନ୍ତି ପ୍ରଶଂସକ। ଅନେକ ଏହାକୁ ନେଇ ତାଙ୍କୁ ଟ୍ରୋଲ କରୁଛନ୍ତି।
ଦକ୍ଷିଣ ଭାରତୀୟ ଷ୍ଟାର ନନ୍ଦମୁରୀ ବାଳକୃଷ୍ଣଙ୍କ ଆଗାମୀ ସିନେମା ‘ଡାକୁ ମହାରାଜ’ର ନୂଆ ଗୀତ ‘ଦାବିଦି ଦିବିଦି’ ରିଲିଜ ହୋଇଛି। ଗୀତଟିରେ ଆଇଟମ୍ ଗର୍ଲ ଭାବେ ନଜର ଆସିଛନ୍ତି ଉର୍ବଶୀ। ବାଳକୃଷ୍ଣଙ୍କ ସହ ତାଙ୍କର ନୃତ୍ୟ ବେଶ ବୋଲ୍ଡ ହୋଇଛି। ଶେଖର ମାଷ୍ଟର ଏହାକୁ କୋରିଓଗ୍ରାଫ କରିଛନ୍ତି।
ସୋସିଆଲ ମିଡିଆରେ ଗୀତଟିକୁ ଅନେକେ ପସନ୍ଦ କରୁଥିବା ବେଳେ କିଛି ପ୍ରଶଂସକ ଉର୍ବଶୀଙ୍କୁ ଟ୍ରୋଲ କରୁଥିବା ନଜର ଆସିଛି। ୬୪ ବର୍ଷୀୟ ଅଭିନେତାଙ୍କ ସହ ୩୦ ବର୍ଷୀୟ ଅଭିନେତ୍ରୀଙ୍କ ଏଭଳି ନୃତ୍ୟ ଗ୍ରହଣ ଯୋଗ୍ୟ ନୁହେଁ। ଏଭଳି ନୃତ୍ୟ ଆଜିଯାଏ ଦେଖିବାକୁ ମିଳି ନ ଥିଲା। ବାଳକୃଷ୍ଣଙ୍କ ସମ୍ମାନ ରଖି ଏହି ନୃତ୍ୟକୁ ହଟାଇ ଦିଆଯାଉ ବୋଲି କିଛି ଦାବି କରୁଛନ୍ତି। ଫିଲ୍ମଟି ଆସନ୍ତା ୧୨ ତାରିଖରେ ପରଦାକୁ ଆସିବ।