ମୁମ୍ବାଇ: ମଡେଲ-ଅଭିନେତ୍ରୀ ଉର୍ବଶୀ ରୌତେଲା ପ୍ରାୟତଃ କିଛି ନା କିଛି କଥାକୁ ନେଇ ଚର୍ଚ୍ଚାରେ ଥାନ୍ତ,ଏବଂ ତାଙ୍କ ସହ ଜଡିତ ଖବର ସବୁବେଳେ ହେଡଲାଇନରେ ରହିଥାଏ। ନିକଟରେ ଏକ ମିଡିଆ ଆର୍ଟିକିଲରେ ଦାବି କରାଯାଇଥିଲା ଯେ, ଉର୍ବଶୀ ୧୯୦ କୋଟି ଟଙ୍କା ମୂଲ୍ୟର ଏକ ବଙ୍ଗଳା କିଣିଛନ୍ତି ଏବଂ ସେଠାକୁ ସେ ସିଫ୍ଟ ହୋଇଯାଇଛନ୍ତି। ବର୍ତ୍ତମାନ ଉର୍ବଶୀଙ୍କ ମା’ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏହି ଖବର ଉପରେ ପ୍ରତିକ୍ରିୟା ଦେଇଛନ୍ତି।
ଉର୍ବଶୀଙ୍କ ମା ମୀରା ରୌତେଲା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ନ୍ୟୁଜ୍ ଆର୍ଟିକିଲର ସ୍କ୍ରିନସଟ ଶେୟାର କରି ଏହାକୁ ଫେକ୍ ବୋଲି ଲେଖିଛନ୍ତି। ଏହି ଆର୍ଟିକିଲରେ ଏହା ଲେଖାଯାଇଥିଲା, ଉର୍ବଶୀ ୧୯୦ କୋଟି ମୂଲ୍ୟର ଘର କିଣିଛନ୍ତି।
କାନ୍ସ ଫିଲ୍ମ ଫେଷ୍ଟିଭାଲରେ ଉର୍ବଶୀଙ୍କ ଲୁକ୍ ଚର୍ଚ୍ଚାର ବିଷୟ ପାଲଟିଥିଲା। କାନ୍ସରେ ଅଭିନେତ୍ରୀ ପ୍ରତ୍ୟେକ ଲୁକ ସହିତ ପ୍ରଶଂସକଙ୍କ ହୃଦୟ ଜିତିଥିଲେ। ଯାହାର ଚିତ୍ର ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଥିଲା।