ନୂଆଦିଲ୍ଲୀ,୮ା୧୦: ପାକିସ୍ତାନରେ ଅବସ୍ଥାପିତ ଆମେରିକା ରାଷ୍ଟ୍ରଦୂତ ଡୋନାଲ୍ଡ ବ୍ଲୋମେ ପାକ୍ ଅଧିକୃତ କଶ୍ମୀର(ପିଓକେ) ଗସ୍ତ କରିବା ସହ ଏହାକୁ ଆଜାଦ ଜମ୍ମୁ-କଶ୍ମୀର ବୋଲି ବାରମ୍ବାର କହିବା ଘଟଣାରେ ଭାରତ ଶୁକ୍ରବାର ପ୍ରତିବାଦ ଜଣାଇଛି। ଆମେରିକା ରାଷ୍ଟ୍ରଦୂତଙ୍କ ପିଓକେ ଗସ୍ତ ଓ ବୈଠକ ସମ୍ପର୍କରେ କେନ୍ଦ୍ର ସରକାର ଓ୍ବାଶିଂଟନ ନିକଟରେ ପ୍ରତିବାଦ କରିଥିବା ବହିର୍ବ୍ୟାପାର ମନ୍ତ୍ରଣାଳୟ ମୁଖପାତ୍ର ଅରିନ୍ଦମ୍ ବାଗ୍ଚୀ କହିଛନ୍ତି। ନିକଟରେ ବ୍ଲୋମେ ପିଓକେ ଯାଇଥିବାବେଳେ ଏହାକୁ ଆଜାଦ ଜମ୍ମୁ-କଶ୍ମୀର କହିଥିଲେ। କୁଇଦ୍-ଇ-ଆଜମ ମେମୋରିଆଲ ଡାକବଙ୍ଗଳା ପାକିସ୍ତାନର ଉନ୍ନତ ସଂସ୍କୃତି ଓ ଇତିହାସର ପ୍ରତୀକ ଏବଂ ଜିନ୍ନା ୧୯୪୪ରେ ସେଠାକୁ ଗସ୍ତ କରିଥିଲେ। ପ୍ରଥମ ଗସ୍ତରେ ସେ ଆଜାଦ କଶ୍ମୀର ଗସ୍ତ କରିବାର ସମ୍ମାନ ଲାଭ କରିଥିବା ବ୍ଲୋମେ ତାଙ୍କ ସରକାରୀ ଟୁଇଟର ହ୍ୟାଣ୍ଡେଲ୍ରେ ଟୁଇଟ୍ କରାଯାଇଛି। କିଛି ମାସ ପୂର୍ବରୁ ଆମେରିକା କଂଗ୍ରେସ ସଦସ୍ୟ ଇଲାନ ଓମାର ପିଓକେ ଗସ୍ତ କରିଥିବାବେଳେ ଏହା ବାଇଡେନ୍ ପ୍ରଶାସନର ଦ୍ୱିତୀୟ ହାଇପ୍ରୋଫାଇଲ ଗସ୍ତ।
