ଓ୍ବାଶିଂଟନ/ବେଜିଂ,୪।୩ : ଚାଇନାର ମହାକାଶଯାନ ପୃଥିବୀର ଜିଓଷ୍ଟେିଶନାରୀ କକ୍ଷପଥରେ ଗତି କରୁଥିବା ଆମେରିକୀୟ ଉପଗ୍ରହ ଉପରେ କଡ଼ା ନଜର ରଖୁଛି। ଜାଣିବାକୁ ମିଳିଛି ଯେ ଚାଇନାର ମହାକାଶଯାନ ଆମେରିକୀୟ ଉପଗ୍ରହ ଉପରେ ଗୁପ୍ତଚରୀ କରୁଛି।
ଟୋଙ୍ଗସିନ ଜିଶୁ ଶିଆନ ୱିକ୍ସିଂ ଅର୍ଥାତ୍ ଟିଜେଏସ-୩ ନାମକ ଏହି ମହାକାଶଯାନକୁ ଚାଇନା ଏକ ପରୀକ୍ଷାମୂଳକ ଯୋଗାଯୋଗ ଉପଗ୍ରହ ବୋଲି କହିିଛି। ଏହା ୨୦୧୮ ର ଶେଷ ଭାଗରେ ଜିଓଷ୍ଟେଶନାରୀ କକ୍ଷପଥକୁ ଏହାକୁ ଲଞ୍ଚ କରାଯାଇଥିଲା। ଏହା ପରେ ସେଥିରେ ଆଉ ଏକ ଛୋଟ ଉପ-ଉପଗ୍ରହ ଯୋଡା ଯାଇଥିଲା। ଛୋଟ ଉପଗ୍ରହକୁ ଟିଜେଏସ-୩ର ସାମର୍ଥ୍ୟ ବଢ଼ାଇବାରେ ସାହାଯ୍ୟ କରିବାକୁ ପଠାଯାଇଥିଲା। ଚାଇନାର ଏହି କାର୍ଯ୍ୟ ଆମେରିକା ସହିତ ମହାକାଶ ଯୁଦ୍ଧର ବିପଦକୁ ବଢ଼ାଇ ଦେଇଛି।
ଅର୍ବିଟାଲ ତଥ୍ୟ ଦର୍ଶାଇଛି ଯେ ଟିଜେଏସ-୩ ନିକଟରେ ଆମେରିକାର ଉପଗ୍ରହଗୁଡ଼ିକର ପାଖାପାଖି ହୋଇଥିଲା। ଅର୍ବିଟାଲ ଫୋକାଲ ନାମକ ଏକ ଟୁଇଟର ଆକାଉଣ୍ଟ, ଉଭୟର କକ୍ଷପଥକୁ ଦର୍ଶାଇ କହିଛି ଯେ ଏହା ଚାଇନାର ମହାକାଶଯାନ ଜିଓଷ୍ଟେଶନାରୀ ବେଲ୍ଟରେ ବୁଲୁଛି। କିନ୍ତୁ, ନିକଟରେ ଆମେରିକାର ଉପଗ୍ରହ ୟୁଏସଏ-୨୩୩ ଏବଂ ୟୁଏସଏ-୨୯୮ର କାର୍ଯ୍ୟକଳାପ ଦେଖିବାକୁ ପାଖାପାଖି ହୋଇ କିଛି ସମୟ ସ୍ଥିର ରହିଥିଲା।
ଚାଇନାର ମହାକାଶଯାନ ଦ୍ୱାରା ଅନୁସନ୍ଧାନ କରାଯାଇଥିବା ଆମେରିକୀୟ ଉପଗ୍ରହଗୁଡ଼ିକ ହେଉଛି ଆମେରିକାର ସ୍ପେସ ଫୋର୍ସର ସାମରିକ ଯୋଗାଯୋଗ ଉପଗ୍ରହ । ଚାଇନା ଉପଗ୍ରହ କାହିଁକି ଗତି ନ କରି ରହି ଯାଇଥିଲା ସେ ନେଇ ଅଧିକ ଅନୁସନ୍ଧାନ ଜାରି ରହିଛି।
