ୱାଶିଂଟନ,୩ ।୨: ସାୟରେଭେଲେରେ ରହୁଥିବା ନ୍ୟୁ ଜର୍ସିର ଜଣେ କାଉନସିଲରଙ୍କୁ ବୁଧବାର ରାତିରେ ତାଙ୍କ କାର ଭିତରେ ଘର ବାହାରେ ଗୁଳି କରି ହତ୍ୟା କରାଯାଇଛି । ମୃତକଙ୍କ ବୟସ ୩୦ ବର୍ଷ ହେବ ବୋଲି କୁହାଯାଉଛି । ସେ ହେଉଛନ୍ତି ୟୁନିସ ଡ୍ରବମଫୋର । ଧଳା ରଙ୍ଗର ଏସୟୁଭି ଗାଡି ଭିତରେ ତାଙ୍କୁ ମୃତ ଅବସ୍ଥାରେ ଉଦ୍ଧାର କରାଯାଇଛି । ତାଙ୍କ ଶରୀରରେ ଅନେକ ଗୁଳି ବାଜିଛି । କାରଟି ସାୟରେଭେଲେରେ ଲା ମେର ଆପାର୍ଟମେଣ୍ଟ ପରିସରରେ କ୍ୟାମଲ୍ୟାଟ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ପୋଲିସ କହିଛି କି ସେ ଶୁଟିଂ ସମୟରେ ସେ ଟାର୍ଗେଟରେ ଥିଲେ, ହେଲେ ହତ୍ୟାକାଣ୍ଡର କାରଣ ସ୍ପଷ୍ଟ ହୋଇନାହିଁ ।
ମିଡିଲସେକ୍ସ କାଉଂଟି ଅଭିଯୋଜକଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି କି ୯୧୧ କଲରେ ସନ୍ଧ୍ୟା ପ୍ରାୟ ୭ଟା ୨୨ରେ ଗୁଳିକାଣ୍ଡର ସୂଚନା ମିଳିଥିଲା । ନ୍ୟୁଜର୍ସିର ଗଭର୍ନର ଫିଲ ମର୍ଫି କହିଥିଲେ, ସେ ମହିଳା କାଉନସିଲରଙ୍କ ମୃତ୍ୟୁ ଖବର ପାଇ ସ୍ତବ୍ଧ ହୋଇଯାଇଛନ୍ତି । ମର୍ଫି ଏକ ବୟାନରେ କହିଛନ୍ତି, ସାର୍ବଜନିକ ସେବାରେ ତାଙ୍କର କ୍ୟାରିୟର ଏବେ ଆରମ୍ଭ ହୋଇଥିଲା । ସେ ପୂର୍ବରୁ ବରେ କାଉନସିଲର ଜଣେ ପ୍ରତିଷ୍ଠିତ ସଦସ୍ୟ ଭାବେ ନିଜର ପ୍ରତିଷ୍ଠା କରିଥିଲେ । ସେ ତାଙ୍କ ଦାୟିତ୍ୱ ସମ୍ପୂର୍ଣ୍ଣ ମନ ଦେଇ କରିଥିଲେ । ମୁଁ କାଉନସିଲ ଓମେନ ଡ୍ରଭୁମଫୋରଙ୍କ ପରିବାର ଓ ଆତ୍ମିୟସ୍ୱଜନ ଓ ସମ୍ପୂର୍ଣ୍ଣ ସାୟରଭିଲେ ସମ୍ପ୍ରଦାୟଙ୍କ ପ୍ରତି ସମବେଦନା ଜଣାଉଛି । ଏହି କ୍ଷତିରେ ସମସ୍ତେ ସ୍ତବ୍ଧ ହୋଇଯାଇଛନ୍ତି ।
