ଓ୍ବାଶିଂଟନ,୪ା୧୦: ପାକିସ୍ତାନରେ ଆତଙ୍କବାଦୀ ହମ୍ଲା ବନ୍ଦ ହେବାର ନାଁ ନେଉନି। ବାରମ୍ବାର ଏହି ଘଟଣା ବୃଦ୍ଧି ପାଇଚାଲିଛି। ପାକିସ୍ତାନ ଇନ୍ଷ୍ଟିଚ୍ୟୁଟ୍ ଫର୍ କଣ୍ଟ୍ରୋଲ ଆଣ୍ଡ୍ ସିକ୍ୟୁରିଟି ଷ୍ଟଡିଜ (ପିଆଇସିଏସ୍ଏସ୍)ର ଏକ ରିପୋର୍ଟରେ କୁହାଯାଇଛି, ଅଗଷ୍ଟ ମାସରେ ଦେଶରେ ଆତଙ୍କବାଦୀ ଆକ୍ରମଣରେ ତୀବ୍ର ବୃଦ୍ଧି ଘଟିଛି। ଏହି ପରିପ୍ରେକ୍ଷୀରେ ଆମେରିକାର ପ୍ରତିରକ୍ଷା ସଚିବ ଲୟଡ ଅଷ୍ଟିନ ପାକିସ୍ତାନୀ ସେନା ମୁଖ୍ୟ ଜେନେରାଲ ଅସୀମ ମୁନିରଙ୍କ ସହ କଥା ହୋଇଛନ୍ତି।
ଓ୍ବାଶିଂଟନରେ ଏହି ବିଷୟରେ ସୂଚନା ଦେଇ ଆମେରିକାର ପ୍ରତିରକ୍ଷା ବିଭାଗ କହିଛି, ଅକ୍ଟୋବର ୩ (ମଙ୍ଗଳବାର) ପ୍ରତିରକ୍ଷା ସଚିବ ଅଷ୍ଟିନ ପାକିସ୍ତାନର ମୁଖ୍ୟ ସେନା କର୍ମଚାରୀ (ସିଓଏଏସ୍) ଜେନେରାଲ ମୁନିରଙ୍କ ସହ ଫୋନରେ କଥା ହୋଇଥିଲେ। ଯେଉଁଠାରେ ପେଣ୍ଟାଗନ ପ୍ରେସ ସେକ୍ରେଟାରୀ ଜେନେରାଲ ପାଟ୍ରିକ ରାଇଡର୍ ବରିଷ୍ଠ ଅଧିକାରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପକୁ ନିଶ୍ଚିତ କରି କହିଛନ୍ତି ଯେ, ଏହା ମଧ୍ୟରେ ସେମାନେ ପାରସ୍ପରିକ ଆଗ୍ରହ ଏବଂ ସାମ୍ପ୍ରତିକ ଆଞ୍ଚଳିକ ବିକାଶ ଉପରେ ଆଲୋଚନା କରିଥିଲେ।