ଓ୍ବାଶିଂଟନ,୧୧।୫: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ବ୍ୟକ୍ତିଗତ ଭାବେ ଏବେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ତାଙ୍କ ବିରୋଧରେ ପ୍ରାୟ ୩୪ଟି ମାମଲା ଚାଲିଛି। ଏହାରି ଭିତରେ ଡୋନାଲ୍ଡ ଟ୍ରମ୍ଫଙ୍କୁ ନେଇ ଏକ ଭଲ ଖବର ଆସିଛି। ଏକ ରିପୋର୍ଟ ଅନୁଯାୟୀ, ଡୋନାଲ୍ଡ ଟ୍ରମ୍ଫଙ୍କ ତୃତୀୟ ପତ୍ନୀ ମେଲାନିଆ ଟ୍ରମ୍ଫ ପୂର୍ବାପେକ୍ଷା ଟ୍ରମ୍ଫଙ୍କର ଆହୁରି ନିକଟତର ହୋଇଛନ୍ତି। ଏକ ରିପୋର୍ଟରେ ଦାବି କରାଯାଇଛି କି ଆମେରିକାର ପୂର୍ବତନ ରାଷ୍ଟ୍ରପତି ଏବେ କେତେ ଗୁଡିଏ ଆଇନଗତ ସମସ୍ୟା ମଧ୍ୟରେ ତାଙ୍କ ରାଷ୍ଟ୍ରପତି ଅଭିଯାନର ଆରମ୍ଭ କରିବାକୁ ଯାଉଛନ୍ତି, ଆଉ ଏହାପରେ ମେଲାନିଆ ଏବେ ଏହି ଅଭିଯାନ ସହ ସମ୍ପୂର୍ଣ୍ଣ ଭାବେ ଯୋଡି ହୋଇ ଯାଇଛନ୍ତି।
ରିପୋର୍ଟ ଅନୁଯାୟୀ, ଝିଅ ଇଭାଙ୍କା ଟ୍ରମ୍ଫ ଚର୍ଚ୍ଚାକୁ ଆସିବା ପରେ ମେଲାନିଆ ଟ୍ରମ୍ଫ ପୁଣିଥରେ ଫାଷ୍ଟ ଲେଡି ଭାବେ କାମ କରିବାକୁ ଚାହୁଁଛନ୍ତି। ଏକ ସୂଚନା ଅନୁଯାୟୀ, ଡୋନାଲ୍ଡ ଟ୍ରମ୍ଫ ବି ମେଲାନିଆଙ୍କ ସହ ଖୁବ ଖୁସିଥିବା ନଜର ଆସିଛନ୍ତି। ଏମିତି ଲାଗୁଛି ଯେମିତି ପୂର୍ବାପେକ୍ଷା ଟ୍ରମ୍ପ ମେଲାନିଆଙ୍କ ସହ ଅଧିକ ଭଲ ଅନୁଭବ କରୁଛନ୍ତି।
ପେଜ ସିକ୍ସର ରିପୋର୍ଟ ଅନୁଯାୟୀ, ଅନୁମାନ କରାଯାଉଛି କି ପୂର୍ବଥର ପରି ଏଥର ବି ମେଲାନିଆ ଟ୍ରମ୍ଫ ରାଷ୍ଟ୍ରପତି ନିର୍ବାଚନ ଅଭିଯାନରେ ଡୋନାଲ୍ଡ ଟ୍ରମ୍ଫଙ୍କ ସହ ନଜର ଆସିପାରନ୍ତି। ଚଳିତ ସପ୍ତାହ ଆରମ୍ଭରେ ମେଲାନିଆ ଟ୍ରମ୍ଫ ଫକ୍ସ ନ୍ୟୁଜକୁ କହିଥିଲେ କି ଯଦି ସେ ଦ୍ୱିତୀୟଥର ଲାଗି ଫେରିବେ ତେବେ ପିଲାଙ୍କ ଶିଖିବା, ବଢିବା ଓ ଖେଳିବା ପାଇଁ ଏକ ସୁରକ୍ଷିତ ସ୍ଥାନ ନିର୍ମାଣ କରିବା ଉପରେ ଧ୍ୟାନ ଦେବେ।
