ଓ୍ବାଶିଂଟନ/ନୂଆଦିଲ୍ଲୀ,୩ା୨: ଭାରତ ଏବଂ ଆମେରିକା ଖୁବ୍ଶୀଘ୍ର ୩ ବିଲିୟନ ଡଲାରରୁ ଅଧିକ ମୂଲ୍ୟର ୩୦ ଏମ୍କ୍ୟୁ-୯ବି ପ୍ରିଡେଟର ସଶସ୍ତ୍ର ଡ୍ରୋନ ପାଇଁ ଚୁକ୍ତି କରିବାକୁ ଯାଉଛନ୍ତି। ଏହାର ପ୍ରତିବଦ୍ଧତା ଉଭୟ ପକ୍ଷରୁ ପ୍ରକାଶ କରାଯାଇଛି। ଡ୍ରୋନ୍ ଅଧିଗ୍ରହଣ ସହିତ ଏଲ୍ଏସି ଏବଂ ଭାରତ ମହାସାଗରରେ ଭାରତର ନିରୀକ୍ଷଣ କ୍ଷମତା ବହୁଗୁଣିତ ହେବ।
ଆମେରିକାର ବୈଦେଶିକ ବିଭାଗର ରାଜନୈତିକ ସାମରିକ ବ୍ୟାପାର ବିଭାଗର ସହକାରୀ ସଚିବ ଜେସିକା ଲୁଇସ୍ କହିଛନ୍ତି, ଏହି କାରବାରରେ ବିଳମ୍ବ ବିଷୟରେ ଖବରଦାତାମାନେ ପଚାରିଥିବା ବେଳେ ବର୍ତ୍ତମାନ ଏହି ମାମଲା ଭାରତ କୋର୍ଟରେ ଅଛି। ପ୍ରତିରକ୍ଷା ଆବଶ୍ୟକତାକୁ ଦୃଷ୍ଟିରେ ରଖି ଏହି ଚୁକ୍ତିନାମା ଅନୁଯାୟୀ ୩ଟି ବାହିନୀ ପାଇଁ ୧୦-୧୦ ଏମ୍କ୍ୟୁ-୯ବି ପ୍ରିଡେଟର ସଶସ୍ତ୍ର ଡ୍ରୋନ କିଣିବାକୁ ପଡ଼ିବ। ୨୦୧୭ରେ ଏହି ଚୁକ୍ତି ଘୋଷଣା କରାଯାଇଥିଲା। ଏନେଇ ଅଜିତ ଡୋଭାଲ ତାଙ୍କ ପ୍ରତିପକ୍ଷ ଜ୍ୟାକ୍ ସୁଲଓ୍ବିନ୍ଙ୍କ ସହ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଥିବା ଜଣାପଡ଼ିଛି।
