ୱାଶିଂଟନ,୨୬ ।୩: ଖଲିସ୍ତାନ ସମର୍ଥକଙ୍କ ଦୁଃସାହସ ଭରା କାମକୁ ନେଇ ଲଗାତାର ଖବର ସାମ୍ନାକୁ ଆସୁଛି ।ଏବେ ବିଦେଶରେ ଭାରତକୁ ବଦନାମ କରିବା କାର୍ଯ୍ୟକଳାପ ସାମ୍ନାକୁ ଆସିଛି । ଏସବୁ ପଛରେ ସବୁଠରୁ ବଡ କାରଣ ହେଉଛି ଭାରତରେ ଖଲିସ୍ତାନୀ ସମର୍ଥକ ଅମୃତପାଲ ସିଂଙ୍କ ବିରୋଧରେ ସରକାରଙ୍କ କାର୍ଯ୍ୟାନୁଷ୍ଠାନ ।
ଏବେ ଆମେରିକାର ରାଜଧାନୀ ୱାଶିଂଟନ ଡିସିରେ ଭାରତୀୟ ଦୂତାବାସ ସାମ୍ନାରେ ପ୍ରଦର୍ଶନ କରୁଥିବା ଖଲିସ୍ତାନୀ ସମର୍ଥକ ଭାରତୀୟ ଖବରଦାତା ଲଳିତ ଝାଙ୍କ ଉପରେ ଆକ୍ରମଣ କରିଛନ୍ତି । ଖବରଦାତା ଲଳିତଙ୍କୁ ଗାଳି ଗୁଲଜ କରିବା ସହ ମାରପିଟ ହୋଇଛି । ଶନିବାର ଅର୍ଥାତ୍ ୨୫ ମାର୍ଚ୍ଚ ମଧ୍ୟାହ୍ନରେ ଯେତେବେଳେ ଭାରତୀୟ ଦୂତାବାସ ବାହାରେ ଖଲିସ୍ତାନ ସମର୍ଥକଙ୍କ ବିରୋଧ ପ୍ରଦର୍ଶନକୁ ଲଳିତ କଭର କରୁଥିଲେ ସେତେବେଳେ ଏହି ଘଟଣା ଘଟିଛି ।