ୱାଶିଂଟନ,୧୧ ।୬: ସାରା ବିଶ୍ୱରେ ଏବେ କରୋନାର ପ୍ରକୋପ ଧିରେ ଧିରେ କମିବାରେ ଲାଗିଛି । ଏହାକୁ ଦୃଷ୍ଟିରେ ରଖି ଅଧିକାଂଶ ଦେଶରେ କରୋନା ନିୟମରେ ବି କୋହଳ ତଥା ପରିବର୍ତ୍ତନ କରାଗଲାଣି । ବିଭିନ୍ନ ପ୍ରତିବନ୍ଧକକୁ ହଟାଇ ଦିଆଗଲାଣି ।
ଏହି କ୍ରମରେ ଶୁକ୍ରବାର ଆମେରିକା ଘୋଷଣା କିଛି ଯେ ଅନ୍ତରାଷ୍ଟ୍ରୀୟ ବିମାନ ଯାତ୍ରା କରୁଥିବା ବ୍ୟକ୍ତିଙ୍କ ନିକଟରୁ ଆଉ ଆର୍ଟିପିସିଆର ରିପୋର୍ଟ ଯାଞ୍ଚ କରାଯିବ ନାହିଁ । ହ୍ୱାଇଟ ହାଉସର ସହାୟକ ପ୍ରେସ ସଚିବ କେୱିନ ମୁନେଜ ଟୁଇଟ କରି କହିଛନ୍ତି, ଯାତ୍ରା ସମୟରେ କରୋନା ଯାଞ୍ଚ ପାଇଁ ଦେଖାଇବାକୁ ଥିବା ପ୍ରତିବନ୍ଧକକୁ ଏହି ସପ୍ତାହ ମଧ୍ୟରେ ହଟାଇ ଦିଆଯିବ । ଫଳରେ ଟ୍ରାଭେଲ ଇଣ୍ଡଷ୍ଟ୍ରିକୁ ବଡ ଲାଭ ହେବ ବୋଲି ଅନୁମାନ କରାଯାଉଛି ।