ୱାଶିଂଟନ,୨୧ ।୧୦: କୁହାଯାଏ ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ହେଉଛି ଆମରିକା । ତେବେ ବିଶ୍ୱ ସ୍ତରରେ ଏହି ଦେଶ ଆର୍ଥିକ ସ୍ତରରେ ଖୁବ୍ ମଜଭୁତ । ହେଲେ ପ୍ରତିରକ୍ଷା ମାମଲାରେ ଆମେରିକା ସେନା ଗୋଟିଏବି ଯୁଦ୍ଧ ଜିତିବାର କ୍ଷମତା ରଖନ୍ତି ନାହିଁ ବୋଲି କୁହାଯାଇଛି । ଏହି ସୂଚନା ଆମେରିକା ସେନା ଶକ୍ତି ଉପରେ ଆଧାରିତ ଏକ ରିପୋର୍ଟରେ କୁହାଯାଇଛି । ରିପୋର୍ଟ ଅନୁଯାୟୀ, ଆମେରିକା ସେନାର ଯବାନ ଚାଇନା ଓ ରୁଷିଆର ସମ୍ଭାବିତ ବିପଦ ସହ ଲଢିବାକୁ ଦୁର୍ବଳ । ଯୁଦ୍ଧ ଜିତିବାକୁ ପେଣ୍ଟାଗନ ସେନାଙ୍କୁ ସଂଘର୍ଷ କରିବାକୁ ପଡିବ ।
କଞ୍ଜରଭେଟିଭ ହେରିଟେଜ ଫାଉଣ୍ଡେଶନ ୟୁଏସ ମିଲିଟ୍ରି ଶକ୍ତିର ବାର୍ଷିକ ଇଣ୍ଡେକ୍ସରେ କୁହାଯାଇଛି, ଆମେରିକାର ବାର୍ଷିକ ଅଣ୍ଡରଫଣ୍ଡିଂ(ଭୁଲ ନୀତି)ଏବଂ ଖରାପ ପ୍ରାଥମିକତା କାରଣରୁ ବିଶ୍ୱ ସ୍ତରରେ ଅନ୍ୟ ଦେଶର ସେନାଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ଦୁର୍ବଳ ଅଟେ । ବର୍ତ୍ତମାନ ଆମେରିକା ସେନା ଦୁଇ ଅଞ୍ଚଳ ମଧ୍ୟରେ ବିବାଦ ହେଲେ ଏହି ସ୍ଥିତିରେ ରିସ୍କ ନେବାକୁ ସକ୍ଷମ ନୁହେଁ ।
ବର୍ତ୍ତମାନ ସ୍ଥିତିରେ ବିଶ୍ୱରେ ଦୁଇଟି ଯୁଦ୍ଧର ସମ୍ଭାବନା ବୃଦ୍ଧି ହୋଇଛି । ଗୋଟିଏ ପଟେ ରୁଷିଆ ୟୁକ୍ରେନ ଉପରେ ଯୁଦ୍ଧ ଜାରି ରଖିଥିବା ବେଳେ ଅନ୍ୟପଟେ ପ୍ରଶାନ୍ତ ମହାସାଗରରେ ଚାଇନା ଅଧିକ ଆକ୍ରମଣାତ୍ମକ ହୋଇ ଉଠିଛି । ଏହି ପରିସ୍ଥିତିରେ ଉଭୟ ପାଶ୍ୱର୍ ଆମେରିକା ସେନାଙ୍କୁ ଅଡୁଆରେ ପକାଇ ପାରେ ।