ଓ୍ବାଶିଂଟନ/ନୂଆଦିଲ୍ଲୀ,୧୦ା୪: ସମଗ୍ର ବିଶ୍ୱରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱକୁ ପ୍ରଶଂସା କରାଯାଉଛି। ଆମେରିକାର ଏମ୍ପି ବ୍ରାଡ୍ ଶେର୍ମାନ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶଂସା କରିଛନ୍ତି। ଶେର୍ମାନ ମୋଦିଙ୍କୁ ୨୦୧୪ରୁ ଦେଶରେ ହୋଇଥିବା ବିକାଶମୂଳକ କାର୍ଯ୍ୟ ତଥା ଅର୍ଥନୈତିକ ଅଗ୍ରଗତି ପାଇଁ ପ୍ରଶଂସା କରିଛନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ମୋଦି ଭାରତର ଚେହେରା ଅଟନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟକାଳ ମଧ୍ୟରେ ଭାରତ ଏବଂ ଆମେରିକା ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଶକ୍ତି ବୃଦ୍ଧି ପାଇଛି।
ସେ କହିଛନ୍ତି, ଭାରତ କିପରି ଏକ ଉତ୍ତମ ବିନିଯୋଗ ସୁଯୋଗ ବୋଲି ମୁଁ ଅନେକ ବ୍ୟବସାୟୀଙ୍କ ସହ କଥା ହୋଇଛି। ବିଶେଷକରି ଯେଉଁମାନେ ଚାଇନାରେ ଉତ୍ପାଦନ କରନ୍ତି ସେମାନେ ନିଶ୍ଚିତ ଭାବରେ ବିଚାର କରିବେ ଏହା ଗଣତନ୍ତ୍ର ନୁହେଁ।
ତେବେ ରୁଷିଆ ସହ ଭାରତର ପ୍ରତିରକ୍ଷା ସମ୍ପର୍କ ଭାରତ-ଆମେରିକା ସମ୍ପର୍କରେ ଏକ ଆହ୍ବାନ ବୋଲି ସେ କହିଛନ୍ତି। ସେ କହିଛନ୍ତି, ଆମେ ଗୁରୁତ୍ୱପୂର୍ଣ୍ଣ ଅର୍ଥନୈତିକ ଅଗ୍ରଗତି ଦେଖିଛୁ। ଅବଶ୍ୟ ପ୍ରତ୍ୟେକ ଦେଶ ଏବଂ ନେତାଙ୍କ ନିଜସ୍ବ ଆହ୍ବାନ ରହିଛି। କୌଣସି ଦେଶର ସଫଳତା ପାଇଁ ମୁଁ କେବଳ ଜଣେ ବ୍ୟକ୍ତିଙ୍କୁ ଶ୍ରେୟ ଦେଇ ନାହିଁ।