ଓ୍ବାଶିଂଟନ୍,୧୮।୯: ଆମେରିକା ନୈସେନାର ଯୁଦ୍ଧ ବିମାନ ଏଫ୍-୩୫ ଦୁର୍ଘଟଣା ପରେ ନିଖୋଜ ହୋଇଯାଇଛି। ଏହା ପରେ ଆମେରିକାର ସାମରିକ ଅଧିକାରୀମାନେ ଲକ୍ଷ ଲକ୍ଷ ଡଲାର ମୂଲ୍ୟର ଏହି ନିଖୋଜ ଯୁଦ୍ଧ ବିମାନ ଖୋଜିବାରେ ସାହାଯ୍ୟ ପାଇଁ ସାଧାରଣ ଜନତାଙ୍କୁ ନିବେଦନ କରିଛନ୍ତି। ମିଡିଆ ରିପୋର୍ଟ ଅନୁଯାୟୀ, ସେନା ଅଧିକାରୀ କହିଛନ୍ତି, ଏହି ବିମାନର ପାଇଲଟ ବିମାନରୁ ଡେଇଁ ଜୀବନ ରକ୍ଷା କରିଛନ୍ତି।
ନୈସେନା ବେସର ଅଧିକାରୀମାନେ କହିଛନ୍ତି, ଚାଲର୍ସଟନ୍ ସହରର ଉତ୍ତରରେ ଥିବା ଦୁଇଟି ହ୍ରଦରେ ସଂଘୀୟ ବିମାନ ଚଳାଚଳ ନିୟାମକ ସହିତ ଯୁଦ୍ଧ ବିମାନ ଖୋଜିବା ପାଇଁ ସେମାନେ ଏକ ଅଭିଯାନ ଚଳାଇଛନ୍ତି। ମିଳିତ ବେସ ମୁଖ୍ୟ ଏଥିରେ ସାହାଯ୍ୟ କରିବାକୁ ଚାଲର୍ସଟନ୍ ସ୍ଥାନୀୟ ବାସିନ୍ଦାଙ୍କୁ ନିବେଦନ କରିଛନ୍ତି। ନୈସେନା ମିଳିତ ବେସ ସୋସିଆଲ ମିଡିଆ ପ୍ଲାଟଫର୍ମ ‘X ରେ ଏକ ପୋଷ୍ଟରେ ଏହି ନମ୍ବରକୁ ଜାରି କରି କହିଛି ଯେ, ଯଦି ଆପଣଙ୍କର କୌଣସି ସୂଚନା ଅଛି ଯାହା ଏଫ୍-୩୫ ଖୋଜିବାରେ ଆମ ଦଳକୁ କିଛି ସାହାଯ୍ୟ କରିପାରିବ, ଦୟାକରି ବେସ ଡିଫେନ୍ସ ଅପରେଶନ ସେଣ୍ଟରକୁ ଫୋନ୍ କରନ୍ତୁ।