ନ୍ୟୁୟର୍କ,୧୨।୯(ଏପି): ୟୁଏସ୍ ଓପନ୍ ପୁରୁଷ ଡବଲ୍ସ ଇଭେଣ୍ଟରେ କ୍ରୋଏସିଆର ମେଟ୍ ପାଭିକ୍ ଓ ଅଭିଜ୍ଞ ବ୍ରାଜିଲ ଖେଳାଳି ବ୍ରୁନୋ ସୁଆରେସ୍ ଟାଇଟଲ ହାସଲ କରିଛନ୍ତି। ଗୁରୁବାର ଅନୁଷ୍ଠିତ ଫାଇନାଲ ମ୍ୟାଚ୍ରେ ଏହି ଅଣସିଡ୍ ଯୋଡି ୭-୫, ୬-୩ ସେଟ୍ରେ ଅଷ୍ଟମ ସିଡ୍ ଯୋଡି କ୍ରୋଏସିଆର ନିକୋଲା ମେକ୍ଟିକ୍ ଓ ନେଦରଲାଣ୍ଡ୍ସର ଓ୍ବେସଲି କୁଲହୋଫ୍ଙ୍କୁ ହରାଇ ଚାମ୍ପିୟନ ହେବାର ଗୌରବ ଅର୍ଜନ କରିଛନ୍ତି। ବିଜୟୀ ହେବା ପାଇଁ ପାଭିକ୍ ଓ ସୋଆରେସ୍ଙ୍କୁ ୧ ଘଣ୍ଟା ୩୧ ମିନିଟ୍ ସମୟ ଆବଶ୍ୟକ ହୋଇଥିଲା। ସୋଆରେସ୍ଙ୍କ ପାଇଁ ଏହା ତୃତୀୟ ଗ୍ରାଣ୍ଡସ୍ଲାମ ଟାଇଟଲ ସାବ୍ୟସ୍ତ ହୋଇଛି। ଦୀର୍ଘ ବର୍ଷ ପରେ ଗ୍ରାଣ୍ଡସ୍ଲାମ ଟାଇଟଲ ଜିତିଥିବାର ସୋଆରେସ୍ ଖୁସି ଜାହିର କରିଛନ୍ତି। ଅନ୍ୟ ପଟେ ମହିଳା ଡବଲ୍ସ ଫାଇନାଲ ମ୍ୟାଚ୍ରେ ତୃତୀୟ ସିଡ୍ ଆମେରିକା ଓ ଚାଇନା ଯୋଡି ନିକୋଲ ମେଲିଚାର ଓ ଜୁ ଇଫନ ପ୍ରତିପକ୍ଷ ଜର୍ମାନୀ ଓ ରୁଷିଆ ଯୋଡି ଲଉରା ସେଗ୍ମୁଣ୍ଡ ଓ ଭେରା ଜେଭୋନୋରେଭା ମୁହଁାମୁହିଁ ହେବେ। ଚଳିତ ବର୍ଷ ୟୁଏସ୍ ଓପନ୍ରେ ମିକ୍ସ ଡବଲ୍ସ ଇଭେଣ୍ଟକୁ କୋଭିଡ୍-୧୯ ମହାମାରୀ ପାଇଁ ବାତିଲ କରିବାକୁ ନିଷ୍ପତ୍ତି ନିଆଯାଇଛି।
