ଇଟାନଗର/ବେଜିଂ,୧୪।୭: ଅରୁଣାଚଳ ପ୍ରଦେଶ ଉପରେ ଚାଇନାର ସର୍ବଦା ଖରାପ ନଜର ରହିଛି। ଗୋଟିଏ ପଟେ ଚାଇନା ନିୟନ୍ତ୍ରଣ ଲାଇନ ଉପରେ ନିଜର କାର୍ଯ୍ୟକଳାପକୁ କ୍ରମାଗତ ଭାବରେ ବୃଦ୍ଧି କରୁଛି ଏବଂ ଅନ୍ୟ ପଟେ ଅରୁଣାଚଳ ପ୍ରଦେଶକୁ ନେଇ କୂଟନୈତିକ କୌଶଳ ପ୍ରୟୋଗ ଜାରି ରଖିଛି। ଚାଇନାର ଏହି ପ୍ରୟାସକୁ ନେଇ ଆମେରିକା ଝଟକା ଦେଇଛି। ଆମେରିକାର ସିନେଟ ବୈଦେଶିକ ସମ୍ପର୍କ କମିଟି (ଏସ୍ଏଫଆରସି) ଏକ ପ୍ରସ୍ତାବକୁ ଅନୁମୋଦନ କରିଛି, ଯେଉଁଥିରେ ଦର୍ଶାଯାଇଛି ଯେ ଅରୁଣାଚଳ ପ୍ରଦେଶ ଭାରତର ଏକ ଅବିଚ୍ଛେଦ୍ୟ ଅଙ୍ଗ ଅଟେ ଏବଂ ରହିବ।
ଏସ୍ଏଫଆରସର ଅନୁମୋଦନ ସିନେଟରେ ଉପସ୍ଥାପିତ ହେବା ଏବଂ ପୂର୍ଣ୍ଣ ସଦନରେ ଏହାକୁ ସ୍ବୀକାର ହେବାର ବାଟ ଫିଟିଛି। ଏହି ପ୍ରସ୍ତାବକୁ ଓରେଗନ୍ ସିନେଟର ଜେଫ ମର୍କଲି ଏବଂ ଟେନେସିର ବିଲ ହେଗର୍ଟି ଉପସ୍ଥାପନ କରିଥିଲେ। ଏଥି ସହିତ ଏହାକୁ ଟେକ୍ସାସର ସିନେଟର ଜନ କର୍ନିନ, ବର୍ଜିନିଆର ଟିମ କେନ ଏବଂ ମେରିଲ୍ୟାଣ୍ଡର କ୍ରିସ ୱାନ ହୋଲେନ ସମର୍ଥନ କରିଥିଲେ।
ଏହି ଦ୍ୱିପାକ୍ଷିକ ପ୍ରସ୍ତାବ ପ୍ରଥମେ ଫେବୃୟାରୀରେ ଆରମ୍ଭ କରାଯାଇଥିଲା। ତା’ପରେ ଏହି ପ୍ରସ୍ତାବ ଉପସ୍ଥାପନ କରିଥିବା ସିନେଟର ବିଲ ହେଗର୍ଟି କହିଛନ୍ତି ଯେ ମୁକ୍ତ ତଥା ଖୋଲା ଭାରତ-ପ୍ରଶାନ୍ତ ମହାସାଗରୀୟ ଦେଶ ପାଇଁ ଚାଇନା ଗୁରୁତର ବିପଦ ଜାରି ରଖିଛି।