ୱାଶିଂଟନ,୮ ।୪: ଇତିହାସ ରଚିଲେ ଜଣେ ଅଣଶ୍ୱେତାଙ୍ଗ ମହିଳା । ଆମେରିକା ସୁପ୍ରିମକୋର୍ଟରେ ପ୍ରଥମ ଅଣଶ୍ୱେତାଙ୍ଗ ମହିଳା ବିଚାରପତି ଭାବେ ନିଯୁକ୍ତ ହୋଇଛନ୍ତି କେତନଜି ବ୍ରାଉନ ଜ୍ୟାକସନ । ସଂଯୁକ୍ତ ରାଷ୍ଟ୍ର ଆମେରିକାର ସିନେଟ ଗୁରୁବାର କେତନଜି ବ୍ରାଉନ ଜ୍ୟାକସନଙ୍କୁ ଦେଶର ସର୍ବୋଚ୍ଚ ନ୍ୟାୟାଳୟରେ ପ୍ରଥମ ଅଣଶ୍ୱେତାଙ୍ଗ ମହିଳା ବିଚାରପତି ବୋଲି ଘୋଷଣା କରିଛି ।
କେତନଜି ବ୍ରାଉନ ଜ୍ୟାକସନ ୮୩ ବର୍ଷିୟ ଜଷ୍ଟିଶ ଷ୍ଟିଫନ ବ୍ରେୟରଙ୍କ ସ୍ଥାନ ନେବେ । ସିନେଟରେ କେତନଜି ବ୍ରାଉନ ଜ୍ୟାକସନଙ୍କ ସପକ୍ଷରେ ୫୩ରୁ ୪୭ଟି ଭୋଟ ମିଳିଥିଲା । ଯାହାଫଳରେ ସେ ସର୍ବୋଚ୍ଚ ନ୍ୟାୟାଳୟ ପଦୋନ୍ନତି ହୋଇଥିବା ପ୍ରଥମ ଅଣଶ୍ୱେତାଙ୍କ ମହିଳା ପାଲଟି ଯାଇଛନ୍ତି ।