ଫ୍ଲୋରିଡା,୩୦।୧୧: ପ୍ରେମିକା ସାମ୍ନାରେ ଅନ୍ୟ ସ୍ତ୍ରୀକୁ ଦେଖିବାରୁ ଭୟଙ୍କର ପଦକ୍ଷେପ ନେଇଛନ୍ତି ପ୍ରେମିକା ଜଣକ। ପ୍ରେମିକଠାରୁ ପ୍ରତିଶୋଧ ନେବାକୁ ଯାଇ ମହିଳା ଏପରି କିଛି କରିଛନ୍ତି ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ମହିଳା ଜଣକ ତାଙ୍କ ପ୍ରେମିକ ଆଖିରେ ରାବିସ ଇଞ୍ଜେକ୍ସନ ଗେଞ୍ଜି ଦେଇଛନ୍ତି। ମହିଳାଜଣକ ଆଠ ବର୍ଷ ଧରି ତାଙ୍କ ପ୍ରେମିକଙ୍କ ଲିଭ-ଇନ ସଂପର୍କରେ ଥିଲେ। ଗତ ଶନିବାର ରାତିରେ ସେ ଏପରି ରାଗି ଯାଇଥିଲେ ଯେ ନିଜ ହିତାହିତ ଜ୍ଞାନ ହରାଇ ବସିଥିଲେ।
ଘଟଣାଟି ହେଉଛି ଆମେରିକାର ଫ୍ଲୋରିଡାର। ୪୪ ବର୍ଷୀୟ ଅଭିଯୁକ୍ତ ପ୍ରେମିକା ସାନ୍ଦ୍ରା ଜିମେନେଜଙ୍କୁ ଏହି ମାମଲାରେ ପୋଲିସ ଗିରଫ କରିଛି। ପ୍ରେମିକ ଅନ୍ୟ ଝିଅଙ୍କୁ ଦେଖିବାରୁ ସାନ୍ଦ୍ର ରାଗି ଯାଇଥିଲେ। ପୋଲିସର ସୂଚନାନୁସାରେ, ଶନିବାର ରାତି ୧୦ଟାରେ ଏହି କପୁଲ ନିଜ ଘରେ ପହଞ୍ଚିବା ପରେ ସାନ୍ଦ୍ରା ପ୍ରେମିକଙ୍କୁ ରାବିସ ଛୁଞ୍ଚିରେ ଆକ୍ରମଣ କରିଥିଲେ। ପୀଡିତ ତାଙ୍କ ବିବୃତ୍ତିରେ କହିଛନ୍ତି, ସେ ସୋଫାରେ ଶୋଇଥିବା ବେଳେ ସାନ୍ଦ୍ରା ତାଙ୍କ ଉପରକୁ ଡେଇଁପଡି ରାବିସ ଛୁଞ୍ଚିରେ ଡାହାଣ ଆଖିକୁ ଆକ୍ରମଣ କରିଥିଲେ। ନିଜ କୁକୁରମାନଙ୍କ ପାଇଁ ଏହି ଇଞ୍ଜେକ୍ସନ ଆଣିଥିବା ନେଇ ପୀଡିତ ସ୍ପଷ୍ଟ କରିଛନ୍ତି। କିନ୍ତୁ ସାନ୍ଦ୍ରା କ’ଣ ଭାବୁଥିଲେ ସେ ଜାଣି ନଥିଲେ।
ସାନ୍ଦ୍ର ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ପୀଡିତଙ୍କୁ ହସ୍ପିଟାଲରେ ଭର୍ତ୍ତି କରିବା ସହ ସାନ୍ଦ୍ରାଙ୍କୁ ଖୋଜାଖୋଜି କରିଥିଲେ। କିଛି ଘଣ୍ଟା ପରେ ପୋଲିସ ତାଙ୍କୁ ତାଙ୍କ ଘର ବାହାରେ ତାଙ୍କ କାରରେ ଶୋଇଥିବାର ପାଇଥିଲେ।
ର। ୪୪ ବର୍ଷୀୟ ଅଭିଯୁକ୍ତ ପ୍ରେମିକା ସାନ୍ଦ୍ରା ଜିମେନେଜଙ୍କୁ ଏହି ମାମଲାରେ ପୋଲିସ ଗିରଫ କରିଛି।