ନ୍ୟୁୟର୍କ, ୬।୯(ପି.ଟି.): କାନାଡ଼ିଆନ ପାର୍ଟନର ଡେନିସ ଶାପୋଭାଲୋଭଙ୍କୁ ସାଥୀକରି ଭାରତର ରୋହନ ବୋପାନ୍ନା ୟୁଏସ୍ ଓପନ ଗ୍ରାଣ୍ଡସ୍ଲାମ ଟେନିସ ପୁରୁଷ ଡବଲ୍ସ ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ବୋପାନ୍ନା-ଶାପୋଭାଲୋଭ ପ୍ରଥମ ରାଉଣ୍ଡରେ ଆମେରିକୀୟ ପ୍ରତିଦ୍ୱନ୍ଦ୍ୱୀ ଏର୍ନେଷ୍ଟୋ ଏସ୍କୋବେଡୋ ଓ ନୋଆ ରୁବିନ ଯୋଡ଼ିଙ୍କୁ ୬-୨, ୬-୪ ସେଟ୍ରେ ପରାସ୍ତ କରିଛନ୍ତି। ମ୍ୟାଚଟି ୧ ଘଣ୍ଟା ୨୨ ମିନିଟଧରି ଚାଲିଥିଲା। ଏହି ଭାରତ-କାନାଡ଼ା ଯୋଡ଼ି ତୃତୀୟ ରାଉଣ୍ଡରେ କେଭିନ କ୍ରାଓ୍ବିଜ୍ ଓ ଆନ୍ଦ୍ରିଆସ ମିଏସଙ୍କୁ ଭେଟିବେ। ସୁମିତ ନାଗାଲ ଓ ଡିଭିଜ ଶରନ ହାରିଯାଇଥିବାରୁ ଏକମାତ୍ର ଭାରତୀୟଭାବେ ବୋପାନ୍ନା ପ୍ରତିଯୋଗିତାରେ ତିଷ୍ଠି ରହିଛନ୍ତି।
