ୱାଶିଂଟନ,୨୮ ।୨: ଆମେରିକା ସରକାରଙ୍କ ଏକ ରିପୋର୍ଟରେ ଦାବି କରାଯାଇଛି ଯେ ଭାରତ ସରକାର ଆତଙ୍କବାଦ ବିରୋଧରେ ଭଲ କାମ କରିଛନ୍ତି । ରିପୋର୍ଟରେ କୁହାଯାଇଛି, ଭାରତ ଆତଙ୍କବାଦ ସଙ୍ଗଠନକୁ ଚିହ୍ନିବା, ଏହାକୁ ନଷ୍ଟ କରିବା ଓ ଆତଙ୍କବାଦ ଭଳି ବିପଦକୁ କମ କରିବା ଦିଗରେ ଭଲ କାମ କରିଛନ୍ତି । ଆମେରିକାର ବ୍ୟୁରୋ ଅଫ କାଉଣ୍ଟର ଟେରରିଜମର ରିପୋର୍ଟ ‘କଣ୍ଟ୍ରି ରିପୋର୍ଟସ ଅନ ଟେରରିଜମ ୨୦୨୧: ଭାରତ’ ଅନୁଯାୟୀ, ଭାରତରେ କେନ୍ଦ୍ର ଶାସିତ ଅଞ୍ଚଳ ଜମ୍ମୁ-କ୍ମଶୀର, ଉତ୍ତର ପୂର୍ବ ରାଜ୍ୟ, ମଧ୍ୟ ଭାରତର କିଛି ଅଞ୍ଚଳ ଆତଙ୍କବାଦ ପ୍ରଭାବିତ ।
ରିପୋର୍ଟରେ କୁହାଯାଇଛି କି ୨୦୨୧ରେ ଦେଖାଯାଇଛି କି ଆତଙ୍କବାଦୀ ସଙ୍ଗଠନ ସେମାନଙ୍କ ରାଜନୀତିରେ କିଛି ପରିବର୍ତ୍ତନ ଆଣିଛନ୍ତି । ଏବେ ସେମାନେ ସାଧାରଣ ନାଗରିକଙ୍କୁ ଟାର୍ଗେଟ କରୁଛନ୍ତି ଓ ଡ୍ରୋନ ଏବଂ ଆଇଇଡି ଦ୍ୱାରା ବିସ୍ଫୋରଣ କରୁଛନ୍ତି ।
ରିପୋର୍ଟରେ ଦାବି କରାଯାଇଛି କି ୨୦୨୧ରେ ଜମ୍ମ-କଶ୍ମୀରରେ ୧୫୩ ଆତଙ୍କବାଦୀ ଆକ୍ରମଣ ହୋଇଛି, ଯେଉଁଥିରେ ୪୫ ସୁରକ୍ଷାକର୍ମୀ ଶହୀଦ ହୋଇଛନ୍ତି, ୩୬ ସାଧାରଣ ନାଗରିକଙ୍କ ଜୀବନ ଯାଇଛି ଓ ୧୯୩ ଆତଙ୍କବାଦୀଙ୍କ ସମେତ ମୋଟ ୨୭୪ ଲୋକଙ୍କ ମୃତ୍ୟୁ ହୋଇଛି । ରିପୋର୍ଟ ଅନୁଯାୟୀ, ୨୦୨୧ରେ ଭାରତରେ ଆତଙ୍କବାଦ ପ୍ରଭାବିତ ଅଞ୍ଚଳରେ ସେମତି କିଛି ପରିବର୍ତ୍ତନ ହୋଇନାହିଁ । ଭାରତ ରାଜ୍ୟ ଓ କେନ୍ଦ୍ର ଶାସିତ ସ୍ତରରେ ଗୁଇନ୍ଦା ଏଜେନ୍ସିକୁ ମଜଭୁତ କରିଛି ।
ଭାରତର ବିଭିନ୍ନ ବନ୍ଦରରେ ସୁରକ୍ଷା ପାଇଁ ଏଣ୍ଟ୍ରିରେ ବାୟୋଗ୍ରାଫିକ ଓ ବାୟୋମେଟ୍ରିକ୍ସ ସ୍କ୍ରିନିଂ ବ୍ୟବସ୍ଥା କରାଯାଇଛି । ଏୟାରପୋର୍ଟରେ ଦ୍ୱିତୀୟଥର ଯାଞ୍ଚ ପାଇଁ ଏକ୍ସରେ ସ୍କ୍ରିନିଂ କରାଯାଇଛି । ଭାରତର ଯାଞ୍ଚ ଏଜେନ୍ସି ଏନଆଇଏ ଅସ୍ତ୍ରଶସ୍ତ୍ର ଚୋରା କାରବାର ଅଭିଯୋଗରେ ଏସ୍କର-ଏ-ତୋଏବା, ହରକତ ଉଲ ଜିହାଦି ଇସଲାମିକର ଆତଙ୍କବାଦୀଙ୍କୁ ସଜା ଦେଇଛି । ଏନଆଇଏ ସେପ୍ଟେମ୍ବର ୨୦୨୧ରେ ଆଇଏସଆଇଏସ ସହ ସମ୍ବନ୍ଧିତ ୩୭ ମାମଲାର ଯାଞ୍ଚ କରି ୧୬୮ ଲୋକଙ୍କୁ ଗିରଫ କରିଛି ।