ଲଣ୍ଡନ,୧୨।୧: ଲୋହିତ ସାଗରରେ ବାଣିଜ୍ୟ ଜାହାଜକୁ ଟାର୍ଗେଟ କରୁଥିବା ହୁଟି ଉଗ୍ରବାଦୀଙ୍କ ବିରୋଧରେ ଆମେରିକା ଏବଂ ବ୍ରିଟେନ ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଉଭୟ ଦେଶର ସୈନ୍ୟବାହିନୀ ୟେମେନ୍ର ଅନେକ ସ୍ଥାନରେ ହୁଟି ଉଗ୍ରବାଦୀଙ୍କ ସ୍ଥିତି ଉପରେ ଏୟାର ଷ୍ଟ୍ରାଇକ କରିଛନ୍ତି। ଏହି ଏୟାର ଷ୍ଟ୍ରାଇକରେ ହୁଟି ଉଗ୍ରବାଦୀମାନେ ବହୁ କ୍ଷତି ସହିଛନ୍ତି ଏବଂ ସେମାନଙ୍କର ଅନେକ ସ୍ଥାନ ନଷ୍ଟ ହୋଇଯାଇଛି। ଆମେରିକା-ବ୍ରିଟେନ ଉପରେ ଆକ୍ରମଣ ପରେ ପଶ୍ଚିମ ଏସିଆରେ ଉତ୍ତେଜନା ଆହୁରି ବଢିପାରେ। ହୁଟି ଉଗ୍ରବାଦୀମାନେ ଲୋହିତ ସାଗରରେ ବ୍ୟବସାୟିକ ଜାହାଜକୁ ଟାର୍ଗେଟ କରୁଥିଲେ।
ଇରାନ ସମର୍ଥିତ ହୁଟି ଉଗ୍ରବାଦୀମାନଙ୍କ ଉପରେ ହୋଇଥିବା ଆକ୍ରମଣକୁ ନିଶ୍ଚିତ କରି ହ୍ବାଇଟ ହାଉସ ଏକ ବିବୃତ୍ତି ଜାରି କରିଛି।
ସୂଚନାଯୋଗ୍ୟ ଯେ, ଇସ୍ରାଏଲ-ହାମାସ ଯୁଦ୍ଧ ପରେ ହୁଟି ଉଗ୍ରବାଦୀମାନେ ପାଲେଷ୍ଟାଇନବାସୀଙ୍କୁ ସମର୍ଥନ କରି ଲୋହିତ ସାଗର ଅଞ୍ଚଳରେ ବାଣିଜି୍ୟକ ଜାହାଜକୁ ଟାର୍ଗେଟ କରିଥିଲେ। ଏହା ଅନ୍ତର୍ଜାତୀୟ ପରିବହନ ପରିବହନ ମାର୍ଗର ସୁରକ୍ଷା ଉପରେ ପ୍ରଭାବ ପକାଉଥିଲା।
