ଆପଣ ନ ଥିବା ସମୟରେ ଆପଣଙ୍କ ଫୋନ୍ ଅନ୍ୟ କେହି ଦେଖୁଛନ୍ତି କି? ସେ ସାଙ୍ଗସାଥୀ ହୁଅନ୍ତୁ କି ଆଉ କେହି। ଏମିତି କି ଆପଣ ମଧ୍ୟ ସେମାନଙ୍କୁ ମନା ବି କରିପାରିବେନି ଯେ, ସେ ଆପଣଙ୍କ ଫୋନ୍ ଛୁଅନ୍ତୁ ବୋଲି। କେହି କାହାର ବ୍ୟକ୍ତିଗତ ତଥ୍ୟ ନ ଦେଖିବା ଉଚିତ୍। ଏମିତି ସମସ୍ୟାର ସମ୍ମୁଖୀନ ହେଉଥିଲେ ଏକ ଉପାୟ ଅବଲମ୍ବନ କରନ୍ତୁ, ଯେମିତି ଆପଣଙ୍କ ଫୋନ୍ କେହି ଦେଖିପାରିବେନି। ପାସ୍ଓ୍ବାର୍ଡ ନ ପଡ଼ିଥିଲେ ମଧ୍ୟ ଆପଣଙ୍କ ଅନୁମତି ବିନା ଏହାକୁ କେହି ବ୍ୟବହାର କରିପାରିବେ ନାହିଁ। ଜାଣନ୍ତୁ ଏ ସମ୍ପର୍କରେ…
ସ୍କ୍ରିନ୍ କିମ୍ବା ସ୍କ୍ରିନ୍ ପିନ୍ ନାମକ ଏକ ଫିଚର ସ୍ମାର୍ଟଫୋନ୍ରେ ଅଛି। ଏହାକୁ ବ୍ୟବହାର କରିବା ପରେ ଆପଣଙ୍କ ବିନା ଅନୁମତିରେ କେହି ଫୋନ୍ ଛୁଇଁପାରିବେ ନାହିଁ। ଏହି ଫିଚର ଆଣ୍ଡ୍ରଏଡ୍ ୫.୦ରେ ଉପଲବ୍ଧ। ଏହି ସ୍କ୍ରିନ୍ିଂ ପିନ୍ରେ ଯେକୌଣସି ଆପ୍ ଲକ୍ କିମ୍ବା ପିନ୍ କରିପାରିବେ। ଏହା କରିବା ପରେ ସେହି ଆପ୍ ବ୍ୟତୀତ ଅନ୍ୟ କୌଣସି ଆପ୍ ଆପଣଙ୍କ ବିନା ଅନୁମତିରେ ଖୋଲିବ ନାହିଁ।
ଯଦି ଆପଣ ଇନ୍ଷ୍ଟାଗ୍ରାମ ବ୍ୟବହାର କରିବାକୁ କାହାକୁ ଆପଣଙ୍କ ଫୋନ୍ ଦେଉଛନ୍ତି ତେବେ ସେଥିରେ ଥିବା ଆପ୍ ଲକ୍ କିମ୍ବା ପିନ୍ କରନ୍ତୁ। ଏହା ପରେ ଇନ୍ଷ୍ଟାଗ୍ରାମ ବ୍ୟତୀତ ଅନ୍ୟ କେହି କୌଣସି ଆପ୍ ଖୋଲିବାରେ ସକ୍ଷମ ହେବେ ନାହିଁ।
ପ୍ରଥମେ ଫୋନ୍ ସେଟିଂକୁ ଯାଆନ୍ତୁ। ସେଟିଂରେ ଆପଣ ସିକ୍ୟୁରିଟି ଏବଂ ଲକ୍ସ୍କ୍ରିନ୍ର ଅପଶନ ବା ବିକଳ୍ପ ଦେଖିବାକୁ ପାଇବେ। ଏଥିରେ କ୍ଲିକ୍ କରନ୍ତୁ। ବର୍ତ୍ତମାନ ସିକ୍ରେଟ୍ ସମ୍ବନ୍ଧୀୟ ଅନେକ ଅପ୍ଶନ ଏଥିରେ ଦେଖାଯିବ। ତଳେ ଥିବା ସ୍କ୍ରିନ୍ କିମ୍ବା ସ୍କ୍ରିନ୍ ପିନିଙ୍ଗ ନାମକ ଏକ ଅପ୍ଶନ ଦେଖିବାକୁ ପାଇବେ। ଏହା ଉପରେ ଟ୍ୟାପ୍ କରନ୍ତୁ ଏବଂ ଏହାକୁ ଟର୍ନ ଅନ୍ କରନ୍ତୁ।
ଆପଣ ବ୍ୟବହାର କରିବାକୁ ଚାହଁୁଥିବା ପିନ୍ କରିବା ପାଇଁ ପ୍ରଥମେ ପିନ୍ ଅନ୍ କରନ୍ତୁ। ପରେ ଏହାକୁ ବନ୍ଦ କରି ରିସେଣ୍ଟ ଆପ୍କୁ ଯାଆନ୍ତୁ। ଏଠାରେ ପିନ୍ କରିବାକୁ ଚାହୁଁଥିବା ଆପ୍ ଉପରେ କ୍ଲିକ୍ କରନ୍ତୁ। ଏହା ପରେ ପିନ୍ ଅପ୍ଶନ ଚୟନ କରନ୍ତୁ। ବର୍ତ୍ତମାନ ପିନ୍ ହୋଇଥିବା ଆପ୍ ବ୍ୟତୀତ ଆଉ କିଛି ଖୋଲିବ ନାହିଁ।
କେମିତି ହଟାଇବେ ଏହି ପିନ୍ ଅପ୍ଶନ
ଆପଣଙ୍କୁ ଉଭୟ ହୋମ୍ ଏବଂ ବ୍ୟାକ୍ ବଟନ ଏକାସାଙ୍ଗରେ ଦବାଇବାକୁ ପଡ଼ିବ। ପିନ୍ ଅପ୍ଶନ ହଟାଇବାକୁ ଲକ୍ ସ୍କ୍ରିନ୍ ପାସଓ୍ବାର୍ଡ ବ୍ୟବହାର କରିବାକୁ ପଡ଼ିବ।