ବେଙ୍ଗାଳୁରୁ,୨୨।୨: କ୍ରିକେଟର୍ ରବିନ ଉଥାପ୍ପା ଆଇପିଏଲ ୨୦୨୧ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିବେ। ଗତ ଆଇପିଏଲରେ ରାଜସ୍ଥାନ ରୟାଲ୍ସ ପାଇଁ ଉଥାପ୍ପା ଖେଳିଥିଲେ। ଚେନ୍ନାଇ ଦଳରେ ଯୋଗଦେବା ପରେ ଉଥାପ୍ପା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭାବପ୍ରବଣ ଭିଡିଓ ପୋଷ୍ଟ କରିଥିଲେ। ଏଥିରେ ସେ ଚେନ୍ନାଇ ଦଳ, ଏହାର ପ୍ରଶଂସକ ତଥା ଅଧିନାୟକ ମହେନ୍ଦ୍ର ସିଂ ଧୋନୀ ବିଷୟରେ ହୃଦୟ ସହ କଥା ହୋଇଥିଲେ। ଉଥାପ୍ପା କହିଛନ୍ତି ଯେ ମୋ ପାଇଁ ଏହା ଏକ ଇଚ୍ଛା ପୂରଣ କରିବା ପରି ଅଟେ। ମୁଁ ପୁଣି ଥରେ ମହେନ୍ଦ୍ର ସିଂ ଧୋନୀଙ୍କ ସହ ଖେଳିବାକୁ ଏବଂ ଅବସର ନେବା ପୂର୍ବରୁ ଏକ ଟୁର୍ନାମେଣ୍ଟ ଜିତିବାକୁ ଚାହୁଁଥିଲ। ଯାହା ଏବେ ସତ ହେବାକୁ ଯାଉଛି। ଡ୍ରେସିଂ ରୁମକୁ ସୁରେଶ ରାଇନା ଏବଂ ଅମ୍ବାତି ରାୟୁଡୁଙ୍କ ସହ ବାଣ୍ଟିଥିବାରୁ ସେ ଖୁସି ବ୍ୟକ୍ତ କରିଛନ୍ତି। ସୂଚନାଯୋଗ୍ୟ, ୨୦୦୭ରେ ପ୍ରଥମ ଟି -୨୦ ବିଶ୍ୱକପ ଜିତିବାରେ ଟିମ ଇଣ୍ଡିଆରେ ଉଥାପ୍ପା ଜଡିତ ଥିଲେ। ଧୋନୀଙ୍କ ଅଧିନାୟକତ୍ୱରେ ହିଁ ଭାରତ ଏହି ଟାଇଟଲ ଜିତିଥିଲା।
View this post on Instagram
