ଲକ୍ଷ୍ନୌ,୩୧ ।୫: ଭାରତୀୟ ଜନତା ପାର୍ଟି(ଭାଜପା) ପକ୍ଷରୁ ରାଜ୍ୟସଭାର ଦ୍ୱିବାର୍ଷିକ ନିର୍ବାଚନ ପାଇଁ ସୋମବାର ବିଳମ୍ବିତ ରାତିରେ ଉତ୍ତର ପ୍ରଦେଶରୁ ୨ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି । ଗୁରୁତ୍ୱପୂର୍ଣ୍ଣ କଥା ହେଲା କେନ୍ଦ୍ରମନ୍ତ୍ରୀ ମୁଖତାର ଅବ୍ୱାସ ନଖଭିଙ୍କ ନାମ କୌଣସି ତାଲିକାରେ ନାହିଁ । ଦିଲ୍ଲୀସ୍ଥିତ ଭାଜପା ମୁଖ୍ୟାଳୟର ଏକ ବୟାନରେ, ଦଳ ଉତ୍ତର ପ୍ରଦେଶରୁ ମିଥିଳେଶ କୁମାର ଓ କେ ଲକ୍ଷ୍ମଣଙ୍କୁ ରାଜ୍ୟ ସଭା ପ୍ରାର୍ଥୀ କରିଥିବା ଘୋଷଣା କରିଛି ।
ମିଥିଳେଶ କୁମାର ଶାହାଜହାପୁରରୁ ଲୋକ ସଭାର ପୂର୍ବତନ ସଦସ୍ୟ । ସେ ୨୦୦୯ରେ ସମାଜବାଦୀ ପାର୍ଟିରୁ ଲୋକ ସଭା ପାଇଁ ମେନାନୀତ ହୋଇଥିଲେ । ସେ ଗୋଟିଏ ଥର ନିର୍ଦ୍ଦଳୀୟ(୨୦୦୨-୨୦୦୭) ପୁଣିଥରେ ସମାଜବାଦୀ ପାର୍ଟି ଟିକେଟରୁ (୨୦୦୭-୨୦୧୨) ଶାହାଜହାପୁର ଜିଲାର ପୋୱାୟାଂ ବିଧାନସଭା ଆସନରୁ ବିଧାୟକ ରହି ସାରିଛନ୍ତି । ସେହିପରି କେ ଲକ୍ଷ୍ମଣ ଭାଜପାର ଓବିସି ମୋର୍ଚ୍ଚାର ରାଷ୍ଟ୍ରୀୟ ଅଧ୍ୟକ୍ଷ । ସେ ଭାଜପାର ତେଲେଙ୍ଗାନାର ପୂର୍ବତନ ଅଧ୍ୟକ୍ଷ ମଧ୍ୟ ରହି ସାରିଛନ୍ତି ।