ନୂଆଦିଲ୍ଲୀ,୧୨।୪: ସୋସିଆଲ ମିଡିଆରେ ପ୍ରସିଦ୍ଧ ତଥା ଲକ୍ଷ ଲକ୍ଷ ଯୁବକଙ୍କୁ ଉପଦେଶ ଦେଇ ପ୍ରଭାବିତ କରୁଥିବା ସନ୍ଥ ପ୍ରେମାନନ୍ଦ ମହାରାଜ ଅସୁସ୍ଥ ହୋଇପଡ଼ିଛନ୍ତି। ଶୁକ୍ରବାର ସାରେ ହଠାତ୍ ତାଙ୍କର ସ୍ବାସ୍ଥ୍ୟ ଖରାପ ହୋଇଯାଇଥିଲା। ଏହାପରେ ତାଙ୍କୁ ଶୀଘ୍ର ଡାକ୍ତରଖାନା ଅଣାଯାଇଥିଲା। ସେଠାରେ ଡାକ୍ତରମାନେ ତାଙ୍କୁ ଯାଞ୍ଚ କରି କିଛି ପରୀକ୍ଷା ମଧ୍ୟ କରିଥିଲେ। କିଛି ସମୟ ହସ୍ପିଟାଲରେ ରହିବା ପରେ ସେ ତାଙ୍କ ଆଶ୍ରମକୁ ଫେରିଯାଇଛନ୍ତି।
ସୂଚନାନୁସାରେ, ମଥୁରାର ବୃନ୍ଦାବନରେ ରାଧା କେଳି କୁଞ୍ଜର ପ୍ରମୁଖ ବାବା ପ୍ରେମାନନ୍ଦ ମହାରାଜଙ୍କ ଛାତିରେ ଯନ୍ତ୍ରଣା ହୋଇଥିଲା॥ ଫଳରେ ସ୍ବାସ୍ଥ୍ୟାବସ୍ଥା ବିଗିଡି ଯାଇଥିଲା। ଏହା ପରେ ତାଙ୍କୁ ତୁରନ୍ତ ଶ୍ରୀକୃଷ୍ଣ ସେବା ଆଶ୍ରମ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହି ସମୟ ମଧ୍ୟରେ ଅନେକ ଶିଷ୍ୟ ମଧ୍ୟ ତାଙ୍କ ସହିତ ଉପସ୍ଥିତ ଥିଲେ। ଡାକ୍ତରମାନେ ତାଙ୍କ ଅବସ୍ଥା ଦେଖି ତୁରନ୍ତ ଚିକିତ୍ସା ଆରମ୍ଭ କଲେ। ତେବେ କିଛି ସମୟ ପରେ ତାଙ୍କ ସ୍ବାସ୍ଥ୍ୟରେ ଉନ୍ନତି ଦେଖି ତାଙ୍କୁ ଆଶ୍ରମକୁ ଛଡ଼ାଯାଇଥିଲା।
କହିରଖୁଛୁ, ପ୍ରେମାନନ୍ଦଜୀ ମହାରାଜ ପ୍ରାୟ ୧୭ ବର୍ଷ ଧରି କିଡନୀ ରୋଗରେ ପୀଡିତ ଅଛନ୍ତି। ସେ କ୍ରମାଗତ ଭାବରେ ଡାଏଲିସିସ କରୁଛନ୍ତି। ଏହି କାରଣରୁ ତାଙ୍କର ଶାରୀରିକ ସମସ୍ୟା ଉପୁଜୁଛି।