ଡେରାଡୁନ,୨୭ ।୮: ଉତ୍ତରାଖଣ୍ଡରେ ଲଗାଣ ବର୍ଷା ଫଳରେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ବର୍ଷା ଯୋଗୁଁ ଜାତୀୟ ରାଜପଥ ସହ ଅନ୍ୟ ସଡ଼କ ବି ବନ୍ଦ ହୋଇଯାଇଛି । ପ୍ରବଳ ବର୍ଷା ଯୋଗୁ ଡେରାଡୁନ-ରିଷିକେଶ ହାଇୱେରେ ଥିବା ପୋଲ ଭାଙ୍ଗିଯିବା ଫଳରେ ପୋଲ ଉପରେ ଥିବା କିଛି ଗାଡି ପାଣିରେ ଭାସି ଯାଇଛି । ଲଗାତାର ବର୍ଷା ଫଳରେ ମାଲଦେବତା-ସହସ୍ରଧାରା ଲିଙ୍କ ରୋଡ କିଛି ମିଟର ପାଣିରେ ବୁଡିଯାଇଛି । ପାଣିପାଗ ବିଭାଗର ସୂଚନା ଅନୁଯାୟୀ, ଆଗାମୀ ଦୁଇଦିନ ପ୍ରବଳ ବର୍ଷାର ସମ୍ଭାବନା ରହିଛି । ଉତ୍ତରାଖଣ୍ଡରେ ୫ ଜିଲାରେ ପ୍ରବଳ ବର୍ଷାର ସମ୍ଭାବନାକୁ ଦେଖି ହାଇ ଆଲର୍ଟ ଜାରି କରାଯାଇଛି ।