ନୂଆଦିଲ୍ଲୀ,୧୯ା୧୦: ଦେଶର ପ୍ରମୁଖ ବାଣିଜି୍ୟକ ସଂସ୍ଥା ଭି-ମାର୍ଟ ରିଟେଲ ଲିମିଟେଡ୍ (ଭି-ମାର୍ଟ) ପକ୍ଷରୁ ଲାଇମ୍ରୋଡ୍କୁ ଅଧିଗ୍ରହଣ କରିବା ଲାଗି ବୁଝାମଣା ପତ୍ର ସ୍ବାକ୍ଷର କରାଯାଇଛି। ଏହା ଜରିଆରେ କମ୍ପାନୀ ଭାରତରେ ଡିଜିଟାଲ ଶପିଙ୍ଗ୍ କରୁଥିବା ୫ କୋଟିରୁ ଅଧିକ ଗ୍ରାହକଙ୍କ ନିକଟରେ ନୂଆ ଫ୍ୟାଶନ ଧାରାକୁ ପହଞ୍ଚାଇପାରିବ। ସେହିଭଳି ଲାଇମ୍ରୋଡ୍ ପକ୍ଷରୁ ୧.୭କୋଟି ଭାଲ୍ୟୁ ଶପିଙ୍ଗ୍ କରୁଥିବା ଗ୍ରାହକଙ୍କୁ ଷ୍ଟାଇଲ୍ ଓ ସ୍ବତନ୍ତ୍ର ଅଣ ବ୍ରାଣ୍ଡେଡ୍ ଉପତ୍ାଦ ପ୍ରଦାନ କରାଯାଉଛି। ଏହା ସବୁଠୁ ହାଲୁକା ଆପ୍ ଓ ଦ୍ରୁତ ୱେବ୍ ସ୍ପିଡ୍ ପ୍ରଦାନ କରୁଥିବା ବେଳେ ସହଜ ଅନ୍ଲାଇନ ସେବା ମଧ୍ୟ ପ୍ରଦାନ କରୁଛି। ଲାଇମ୍ରୋଡ୍ ଦୈନିକ ୨,୫୦,୦୦୦ ଆପ୍ ଡାଉନ୍ଲୋଡ୍ ପ୍ରଦାନ କରୁଥିବା ବେଳେ ସର୍ବଭାରତୀୟ ଶପିଙ୍ଗ୍ ପ୍ଲେ ଷ୍ଟୋରରେ ୩ ନମ୍ବର ର଼୍ୟାଙ୍କ୍ରେ ରହିଛି। ଏକ ଦୃଢ଼ ମାର୍ଜିନ ସହ ୭୦୦ କୋଟି ଟଙ୍କାରୁ ଅଧିକ ଭିଜିଏମ୍ ମଧ୍ୟ ପ୍ରଦାନ କରୁଛି। ଫଳରେ ଅନ୍ଲାଇନ ବ୍ୟବସାୟରେ ମହିଳାଙ୍କ ଭାଗ ୬୫% ରହିଥିବା ବେଳେ ଏହାର ୫୦୦-୧୦୦୦ ଟଙ୍କା ବର୍ଗରେ ଦୃଢ଼ ଉପସ୍ଥିତି ରହିଛି। ଲାଇମ୍ରୋଡ୍କୁ ବ୍ୟାପକ କରିବା ଏବଂ ନିରନ୍ତର ଲାଭ ପଥରେ ସ୍ଥାପିତ କରିବା ଲାଗି ସେଥିରେ ମୋଟ ୧୫୦କୋଟି ଟଙ୍କା ନିବେଶ କରିବାକୁ ଭି-ମାର୍ଟ ଯୋଜନା କରୁଛି।
ସମ୍ପର୍କରେ ଭି-ମାର୍ଟ ରିଟେଲ ଲିମିଟେଡ୍ର ପରିଚାଳନା ନିର୍ଦ୍ଦେଶକ ଲଳିତ ଅଗ୍ରୱାଲ କହିଛନ୍ତି, ଏହି ଅଧିଗ୍ରହଣ ଜରିଆରେ ଆମେ କେବଳ ଡିଜିଟାଲ ପ୍ରଥମ ନୂଆ ପିଢ଼ିର ଗ୍ରାହକଙ୍କ ନିକଟରେ ପହଞ୍ଚିବୁ ନାହିଁ ବରଂ ଏକ ଓମ୍ନି ଚ୍ୟାନେଲ ବିଶେଷତା ମଧ୍ୟ ଗଠନ କରିପାରିବୁ। ସେହିପରି ଭି-ମାର୍ଟ ପରିବାରରେ ଲାଇମ୍ରୋଡ୍କୁ ସାମିଲକରି ଆମେ ଗର୍ବିତ ମନେକରୁଛୁ। ସେହିଭଳି ଲାଇମ୍ରୋଡ୍ର ପ୍ରତିଷ୍ଠାତା ଓ ସିଇଓ ସୁଚି ମୁଖାର୍ଜୀ କହିଛନ୍ତି, ଷ୍ଟାଇଲ ସହ ମୂଲ୍ୟ ଏବଂ ମାନ ସହ ଅଭିଳାଷ ଖାପଖାଇବା ଲାଗି ଭାଲ୍ୟୁ ଗ୍ରାହକମାନେ ବଡ଼ ମାନଦଣ୍ଡ ଧାର୍ଯ୍ୟ କରିଛନ୍ତି। ମାନକୁ ମୂଲ୍ୟ ପୂରଣ କରୁଥିବା ବର୍ଗରେ ଭି-ମାର୍ଟ ହେଉଛି ଅଗ୍ରଣୀ।