ଛତ୍ରପୁର,୨୪ା୬(ଡି.ଏନ୍.ଏ): ଗଞ୍ଜାମ ଜିଲାରେ ଗତ ୩ ଦିନ ହେଲା ମେଗା କରୋନା ଟିକାକାରଣ ଚାଲିଥିଲା। ତେବେ ଟିକା ଅଭାବ ଯୋଗୁ ଜିଲାର ୨୨ ବ୍ଲକ ମଧ୍ୟରୁ ଗୁରୁବାର ୧୦ଟି ବ୍ଲକରେ ଟିକାକରଣ ବନ୍ଦ ରହିଛି। ସେଥିମଧ୍ୟରେ ସାନଖେମୁଣ୍ଡି, ରଙ୍ଗେଇଲୁଣ୍ଡା, କୁକୁଡାଖଣ୍ଡି, ସୋରଡ଼ା, କବିସୂର୍ଯ୍ୟନଗର, ଦିଗପହଣ୍ଡି, ଜଗନ୍ନାଥପ୍ରସାଦ, ଗଞ୍ଜାମ, ପୋଲସରା ଓ ବେଗୁନିଆପଡ଼ା ରହିଛି। ଏଥିସହ ଅଧିକାଂଶ ବ୍ଲକର ହେଡ୍କ୍ୱାର୍ଟର ସହରାଞ୍ଚଳରେ ଟିକା ଦିଆଯାଉଥିବା ବେଳେ ଗ୍ରାମାଞ୍ଚଳର ଟିକା କେନ୍ଦ୍ରଗୁଡ଼ିକ ବନ୍ଦ ରହିଛି। ଫଳରେ ଲୋକଙ୍କୁ ଏହା ନିରାଶ କରିଛି। ଅପରପକ୍ଷରେ ଟିକା ନେବା ପାଇଁ କେନ୍ଦ୍ର ସମ୍ପର୍କରେ ପ୍ରତିଦିନ ସାରେ ଅପଡେଟ୍ ଦିଆଯିବ ବୋଲି ଜିଲାପାଳ ବିଜୟ ଅମୃତା କୁଲାଙ୍ଗେ କହିଛନ୍ତି।