ଷ୍ଟକହୋମ,୨୫।୫ : ସ୍ବିଡେନର ଅନୁସନ୍ଧାନକାରୀମାନେ ଏକ ଅଧ୍ୟୟନରେ ଦାବି କରିଛନ୍ତି ବସନ୍ତ ଟିକା ମଙ୍କିପକ୍ସ ସଂକ୍ରମଣରୁ ସୁରକ୍ଷା କରିବାରେ ସକ୍ଷମ। ୧୯୭୦ ଦଶକରେ ବ୍ୟାପିଥିବା ବସନ୍ତ ମହାମାରୀ ସମୟରେ ଟିକାକରଣ ଆରମ୍ଭ ହୋଇଥିଲା। ଏହି ଟିକା ମଙ୍କିପକ୍ସ ସଂକ୍ରମଣ ବିରୁଦ୍ଧରେ ନିରନ୍ତର ପ୍ରତିରକ୍ଷା ଯୋଗାଉଛି।
ଅଧ୍ୟୟନରେ କୁହାଯାଇଛି ଗତ ବର୍ଷ ଆଫ୍ରିକା ବାହାରେ ମଙ୍କିପକ୍ସ ସଂକ୍ରମଣର ପ୍ରଥମ ଘଟଣା ଦେଖିବାକୁ ମିଳିଥିଲା। ସେବେଠାରୁ ସାରା ବିଶ୍ୱରେ ୮୫ ହଜାରରୁ ଅଧିକ ଲୋକ ସଂକ୍ରମିତ ହୋଇଥିବା ଜଣାପଡିଛି।
ଅନୁସନ୍ଧାନକାରୀମାନେ କହିଛନ୍ତି ସମଲିଙ୍ଗୀ ଯୌନ ସଂକ୍ରମଣ ସହିତ ଜଡିତ ଏହି ଭୁତାଣୁ ଅର୍ଥୋପକ୍ସଭାଇରସ ଭାବରେ ଜଣାଶୁଣା ଏବଂ ୧୯୭୦ ଦଶକରେ ବସନ୍ତ ସୃଷ୍ଟି କରିଥିବା ଭୁତାଣୁ ସହିତ ସମାନ। ସେଥିପାଇଁ ସ୍ବିଡେନର କାରୋଲିନସ୍କା ଇନଷ୍ଟିଚ୍ୟୁଟର ଗବେଷକମାନେ ପ୍ରଶ୍ନ କରିଥିଲେ ଯେ, ଯେଉଁମାନେ ଦଶନ୍ଧି ପୂର୍ବରୁ ବସନ୍ତ ବିରୁଦ୍ଧରେ ଟିକାକରଣ କରିଥିଲେ, ସେମାନଙ୍କର ହୁଏତ ମଙ୍କିପକ୍ସ ସହିତ ଲିଙ୍କ ଥାଇପାରେ।
ମେମୋରୀ କୋଷଗୁଡ଼ିକ ଦୀର୍ଘସ୍ଥାୟୀ ଏବଂ ସେମାନେ ମଙ୍କିପକ୍ସ ଭୁତାଣୁ ସହ ଜଡିତ ଭୁତାଣୁଠାରୁ ରକ୍ଷା କରିବାରେ ସକ୍ଷମ ଅଟନ୍ତି ବୋଲି କାରୋଲିନସ୍କା ପ୍ରତିଷ୍ଠାନର ଗବେଷକ ମାର୍କସ ବଗର୍ଟ ଅଧ୍ୟୟନରୁ ଜଣାପଡିଛି ବୋଲି କହିଛନ୍ତି।
ଅଧ୍ୟୟନ ସମୟରେ ୧୦୫ ସୁସ୍ଥ ରକ୍ତଦାତାମାନଙ୍କରେ ଟି-ସେଲ ପ୍ରତିରକ୍ଷା ପ୍ରତିକ୍ରିୟା ବିଶ୍ଳେଷଣ କରାଯାଇଥିଲା। ମେଡିକାଲ ଜର୍ନାଲ ସେଲ ହୋଷ୍ଟ ଆଣ୍ଡ ମାଇକ୍ରୋବରେ ପ୍ରକାଶିତ ଏହି ଅଧ୍ୟୟନରେ ଦର୍ଶାଯାଇଛି ୧୯୭୬ ପୂର୍ବରୁ ଜନ୍ମ ହୋଇଥିବା ବ୍ୟକ୍ତିବିଶେଷଙ୍କର ଉଭୟ ବସନ୍ତ ଏବଂ ମଙ୍କିପକ୍ସ ବିରୁଦ୍ଧରେ ପ୍ରତିରକ୍ଷା ପ୍ରତିକ୍ରିୟା ଅଧିକ ରହିଛି। ଅନୁସନ୍ଧାନକାରୀମାନେ ରିପୋର୍ଟ କରିଛନ୍ତି ଏହି ଅଧ୍ୟୟନରେ ମଙ୍କିପକ୍ସରେ ସଂକ୍ରମିତ ୨୨ ଜଣ ପୁରୁଷଙ୍କ ପ୍ରତିରକ୍ଷା ପ୍ରତିକ୍ରିୟା ମଧ୍ୟ ବିଶ୍ଳେଷଣ କରାଯାଇଥିଲା, ଯାହା ଦର୍ଶାଇଥିଲା ଏହି ଭୁତାଣୁଙ୍କର ପ୍ରତିରୋଧକ ଶକ୍ତି ରହିଛି, ଯାହା ଭବିଷ୍ୟତରେ ସେମାନଙ୍କୁ ଏହି ସଂକ୍ରମଣରୁ ରକ୍ଷା କରିବାରେ ସକ୍ଷମ କରାଇବ।