ଗଞ୍ଜାମ,୨୩।୫(ଡି.ଏନ୍.ଏ.): ମହାମାରୀ କରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢ଼ିଚାଲିଛି। ସେହି ତୁଳନାରେ ମୃତ୍ୟୁସଂଖ୍ୟା ମଧ୍ୟ ବଢୁଛି । କରୋନାର ଦ୍ୱିତୀୟ ଷ୍ଟ୍ରେନ ଭୟଙ୍କର ରୂପ ଧାରଣ କରିଛି । ଏଥିପାଇଁ ସମସ୍ତ ବର୍ଗ ବ୍ୟକ୍ତିଙ୍କ ନିମନ୍ତେ ସରକାର ଟିକାକରଣ ବ୍ୟବସ୍ଥା କରିଛନ୍ତି । କିନ୍ତୁ ଗଞ୍ଜାମ ସହରରେ କିଛି ଦିନ ହେବ ଟିକାକରଣ କେନ୍ଦ୍ର ବନ୍ଦ ହୋଇ ଯାଇଥିଲା । ଟିକା ନାହଁ କହି ଲୋକଙ୍କୁ ଫେରାଇ ଦିଆଯାଉଥିଲା । ସ୍ଥାନୀୟ ଅଞ୍ଚଳର ଯୁବ ସ୍ବେଚ୍ଛାସେବୀ ତଥା ସାନ ବଜାର ବଣିକ ସଙ୍ଘ ସଭାପତି ସୁଧୀର କୁମାର ପାଢ଼ୀ ଓ ବିଜେଡି ଯୁବ ନେତା ରାକେଶ ରଞ୍ଜନ ଦାସ ଏନେଇ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରାଙ୍କ ଦୃଷ୍ଟି ଆକର୍ଷଣ କରିଥିଲେ । ପରେ ହସ୍ତକ୍ଷେପ ପରେ ବ୍ୟବସାୟୀମାନେ ପ୍ରଥମ ଡୋଜ କୋଭିଡ୍ ଟିକା ନେଇଛନ୍ତି । ଏଥିପାଇଁ ବିଧାୟକ, ଗଞ୍ଜାମ ସ୍ବାସ୍ଥ୍ୟକେନ୍ଦ୍ର ଆୟୁଷ ଡାକ୍ତର ବନୋଜ କାନ୍ତ କର ଓ ବଣିକ ସଙ୍ଘ ସଭାପତି ପାଢ଼ୀଙ୍କୁ ସମସ୍ତ ବ୍ୟବସାୟୀ କୃତଜ୍ଞତା ଜଣାଇଛନ୍ତି ।