ନୂଆଦିଲ୍ଲୀ,୩୦ ।୧୨: ସାରା ବିଶ୍ୱରେ ଏବେ ତାଣ୍ଡବ ରଚିଲାଣି କରୋନା ଭାଇରସର ନୂଆ ଭାରିଏଣ୍ଟ ଓମିକ୍ରନ୍ । ଏହାକୁ ନେଇ ସାରା ବିଶ୍ୱ ଚିନ୍ତାରେ ପଡି ଯାଇଥିବା ବେଳେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚ୍ଓ) ଏକ ଆଶ୍ୱସ୍ତିକର ଖବର ଦେଇଛି । ଡବ୍ଲୁଏଚ୍ର ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମିନାଥନ କହିଛନ୍ତି ଭ୍ୟାକ୍ସିନର ପ୍ରଭାବଶାଳିତା ପାଇଁ ଅନେକ କାରକ ଦାୟୀ । ଗୋଟିଏ ହେଉଛି ଭ୍ୟାକ୍ସିନ ଅନ୍ୟଟି ବୟସ ଭଳି ଜୈବିକ କାରକ ।
ସ୍ୱାମୀନାଥନ ଆହୁରି ମଧ୍ୟ କହିଛନ୍ତି ଅଧିକାଂଶ ଲୋକ ଓମିକ୍ରନରେ ପୀଡିତ ହେବା ପରେ ସେମାନଙ୍କଠାରେ ସାମାନ୍ୟ ଲକ୍ଷଣ ଦେଖାଯିବା ସହ ହାଲକା ଚିକିତ୍ସା ପରେ ସେମାନେ ସୁସ୍ଥ ହୋଇ ଯାଉଛନ୍ତି । ଏହା ପ୍ରମାଣ କରୁଛି କି ଟିକା ସୁରକ୍ଷା ଦେଉଛି । ଯେଉଥିପାଇଁ କ୍ରିଟିକାଲ କେୟାରର ଆବଶ୍ୟକତା ବୃଦ୍ଧି ହେଉନାହିଁ । ଯାହା ଏକ ଭଲ ସଙ୍କେତ ବୋଲି ସେ କହିଛନ୍ତି । ବୁଧବାର ସେ ଟୁଇଟ୍ କରି କହିଛନ୍ତି, ଆଶା କରାଯାଉଥିବା ଟି ସେଲ ଇମ୍ୟୁନିଟି ଓମିକ୍ରନ୍ ବିରୋଧରେ ଭଲ ସାବ୍ୟସ୍ତ ହୋଇଛି । ଏହା ଆମକୁ ଜଟିଳ ରୋଗଠାରୁ ସୁରକ୍ଷା ଦେଇଥାଏ । ତେଣୁ ଯେଉଁମାନେ ଟିକା ନେଇ ନାହାନ୍ତି ସେମାନେ ଶୀଘ୍ର ଟିକା ନେବାକୁ ସ୍ୱାମିନାଥନ ଅନୁରୋଧ କରିଛନ୍ତି । ଟିକା ଡେଲ୍ଟା ସଂକ୍ରମଣ ଭଳି ଜଟିଳ ରୋଗରେ ମୃତ୍ୟୁଠାରୁ ବଞ୍ଚାଇ ଦେବ ବୋଲି ସେ ମତ ରଖିଛନ୍ତି ।
