ପଦ୍ମପୁର/ପାଇକମାଳ/ଝାରବନ୍ଧ,୨୩।୧୧(ଡି.ଏନ.ଏ): ବରଗଡ଼ ଜିଲା ପଦ୍ମପୁର ଉପନିର୍ବାଚନକୁ ନେଇ ସବୁଦଳ ପ୍ରଚାରକୁ ଜୋରଦାର କରିଛନ୍ତି। ମଙ୍ଗଳବାର ପାଇକମାଳ ବ୍ଲକ ଅନ୍ତର୍ଗତ ବାଦିକଟାରେ ଭାଜପାର ଏକ କର୍ମୀ ସମ୍ମିଳନୀ ହୋଇଥିଲା । ଦଳର ରାଜ୍ୟ ସଭାପତି ସମୀର ମହାନ୍ତି ଏଠାରେ ଉଦ୍ବୋଧନ ଦେଇଥିଲେ। ସେହିପରି ପୂର୍ବତନ କେନ୍ଦ୍ରମନ୍ତ୍ରୀ ଜୁଏଲ ଓରାମ ପାଇକମାଳ, ସାଂସଦ ସଙ୍ଗୀତା ସିଂହଦେଓ ଦହିଦା, ଏମ୍ପି ସୁରେଶ ପୂଜାରୀ ସର୍ଗିବାହାଲ, ମନମୋହନ ସାମଲ ଜଗଦଲପୁର, କନକବର୍ଦ୍ଧନ ସିଂଦେଓ ମାଣ୍ଡୋସିଲ, ଏମ୍ପି ବସନ୍ତ ପଣ୍ଡା ଝାରବନ୍ଧରେ ଦଳୀୟ ପ୍ରାର୍ଥୀ ପ୍ରଦୀପ ପୁରୋହିତଙ୍କ ସପକ୍ଷରେ ମତଦାନ ପାଇଁ ପ୍ରଚାର କରିଥିଲେ। ଦଳୀୟ ପ୍ରାର୍ଥୀ ପୁରୋହିତ କାଂସଡ଼ା ଗ୍ରାମରେ ଘର ଘର ବୁଲି ପ୍ରଚାର କରିଥିଲେ ।