ଅଭିନେତ୍ରୀ ଅଙ୍କିତା ଲୋଖଣ୍ଡେ ବର୍ତ୍ତମାନ ବିକି ଜୈନ୍ଙ୍କ ସହ ପ୍ରେମ ସମ୍ପର୍କକୁ ନେଇ ଚର୍ଚ୍ଚାରେ ରହିଛନ୍ତି। ଅଙ୍କିତା ଏବେ ବିକିଙ୍କ ପ୍ରତିଥିବା ପ୍ରେମକୁ ପ୍ରକାଶ କରିବାକୁ କୁଣ୍ଠାବୋଧ କରୁ ନାହାନ୍ତି। ଏହା ସର୍ବସାଧାରଣ ସ୍ଥାନରେ ହେଉ କିମ୍ବା ବ୍ୟକ୍ତିଗତ ପାର୍ଟିରେ। ପ୍ରାୟତଃ ଅଙ୍କିତା ଏବେ ବିକିଙ୍କ ସହ ନଜର ଆସୁଛନ୍ତି। ଅଙ୍କିତା ସୋସିଆଲ ମିଡିଆରେ ବିକିଙ୍କ ସହ ଫଟୋ ଶେୟାର କରି ଚାଲିଛନ୍ତି। ବର୍ତ୍ତମାନ ଭାଲେଣ୍ଟାଇନ୍ସ ଡେ’ ଚାଲିଥିବାରୁ ଅଙ୍କିତା ବିକିଙ୍କ ସହ ଛୁଟି କାଟିବା ପାଇଁ ଯାଉଛନ୍ତି।
ବର୍ତ୍ତମାନ ଅଙ୍କିତା ନିଜର ଇନଷ୍ଟାଗ୍ରାମ ଷ୍ଟୋରିରେ ଏକ ଫଟୋ ଏବଂ ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ସେ ବିମାନବନ୍ଦରରେ ପୋଜ ଦେଉଥିବା ନଜର ଆସିଛନ୍ତି। ଭିଡିଓରେ ଅଙ୍କିତା ବିକିଙ୍କ ସହ ବିମାନରେ ଯାଉଥିବାର ନଜର ଆସିଛନ୍ତି। ସେ କ୍ୟାପଶନରେ ଲେଖିଥିଲେ – ‘ଏନ୍ରୋଏଟ’, ଏକ ବିମାନର ଇମୋଜି ମଧ୍ୟ ଦେଇଛନ୍ତି, ପରେ ‘ବାୟ’ ଲେଖିଛନ୍ତି।