ଓ୍ବାଶିଂଟନ୍,୨୧।୩: ଆମେରିକାର ସାନ ଫ୍ରାନ୍ସିସ୍କୋରେ ଥିବା ଭାରତୀୟ ଦୂତାବାସ ଉପରେ ଖଲିସ୍ତାନୀ ସମର୍ଥକଙ୍କ ଆକ୍ରମଣ ଘଟଣାକୁ ବାଇଡେନ ସରକାର ଦୃଢ ନିନ୍ଦା କରିଛନ୍ତି। ଏପରି ଆକ୍ରମଣକୁ ସମ୍ପୂର୍ଣ୍ଣ ଗ୍ରହଣୀୟ ନୁହେଁ ବୋଲି ଆମେରିକା କହିଛି। ଏହି ଘଟଣାକୁ ନିନ୍ଦା କରି ହ୍ବାଇଟହାଉସର ଜାତୀୟ ସୁରକ୍ଷା ପରିଷଦର ସଂଯୋଜକ ଜନ କିର୍ବି କହିଛନ୍ତି, ଏହି ଆକ୍ରମଣ ସମ୍ପୂର୍ଣ୍ଣ ଗ୍ରହଣୀୟ ନୁହେଁ। ସ୍ବରାଷ୍ଟ୍ର ବିଭାଗର କୂଟନୈତିକ ସୁରକ୍ଷା ସେବା ସ୍ଥାନୀୟ କର୍ତ୍ତୃପକ୍ଷଙ୍କ ସହ ଦୃଷ୍ଟି ରଖିଛି। କ୍ଷୟକ୍ଷତିର ଆକଳନ ପାଇଁ ବୈଦେଶିକ ବ୍ୟାପାର ମନ୍ତ୍ରଣାଳୟ କାର୍ଯ୍ୟ କରିବ।
ଖଲିସ୍ତାନ ସମର୍ଥକ ସାନ ଫ୍ରାନ୍ସିସ୍କୋରେ ଥିବା ଭାରତୀୟ ଦୂତାବାସ ଉପରେ ଆକ୍ରମଣ କରି ଭଙ୍ଗାରୁଜା କରିଥିଲେ। ଖଲିସ୍ତାନ ସମର୍ଥକ ପୋଲିସ ବ୍ୟାରିକେଡ ଭାଙ୍ଗି ଦୂତାବାସ ଭିତରେ ଦୁଇଟି ତଥାକଥିତ ଖଲିସ୍ତାନୀ ପତାକା ରଖିଥିଲେ। ତେବେ ଦୁଇଜଣ ଦୂତାବାସ କର୍ମଚାରୀଙ୍କ ଦ୍ୱାରା ସେହି ପତାକା ଶୀଘ୍ର ହଟାଇ ଦିଆଯାଇଥିଲା। ଏହା ପରେ ଖଲିସ୍ତାନ ସମର୍ଥକ ଦୂତାବାସରେ ପ୍ରବେଶ କରି କବାଟ ଓ ଝରକା ଭାଙ୍ଗିଥିଲେ।