ଆବଶ୍ୟକ ସାମଗ୍ରୀ: ଆଳୁ- ୨୦୦ଗ୍ରାମ୍, ସୋରିଷ ତେଲ-୨ ଚାମଚ, ଶୁଖିଲା ଲଙ୍କା-୨ଟା, ସୋରିଷ ବଟା-ଅଧା ଚାମଚ, ବସାଦହି-୧ ଚାମଚ, ନଡ଼ିଆ ପେଷ୍ଟ-୩/୪ ଚାମଚ, କଦଳୀ ପତ୍ର-୨ଟା, ଜିରା, ଗୁଜୁରାତି, କଳା ସୋରିଷ, ମେଥି ଓ କଲଞ୍ଜିର ମିଶ୍ରଣ-ଅଧା ଚାମଚ, କଞ୍ଚା ଲଙ୍କା ପେଷ୍ଟ, ହଳଦୀ ଗୁଣ୍ଡ, ଲୁଣ ଓ ଲେମ୍ବୁପାଣି- ଆବଶ୍ୟକ ଅନୁସାରେ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଆଳୁ ସିଝାଇ ଦିଅନ୍ତୁ। ଚୋପା ଛଡ଼ାଇ ଏହାକୁ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ। ଏବେ ଚୁଲାରେ ଏକ ନନ୍-ଷ୍ଟିକ୍ କଢ଼ାଇ ନେଇ ସେଥିରେ ସୋରିଷ ତେଲ ପକାନ୍ତୁ। ତେଲ ଗରମ ହେବା ପରେ ଜିରା, ଗୁଜୁରାତି, କଳା ସୋରିଷ, ମେଥି ଓ କଲଞ୍ଜିର ମିଶ୍ରଣ ଏବଂ ଶୁଖିଲା ଲଙ୍କା ପକାଇ ଅଳ୍ପ ସମୟ ପାଇଁ ଭାଜନ୍ତୁ। ଏହାକୁ ଏକ ପାତ୍ରରେ ବାହାର କରି ପୂର୍ବରୁ ଥିବା ସିଝା ଆଳୁ ସହ ମିଶାଇ ଦିଅନ୍ତୁ। ସେହିପରି ଆଉ ଏକ ପାତ୍ରରେ କିଛି ସୋରିଷ ବଟା, ବସାଦହି, ନଡ଼ିଆ ପେଷ୍ଟ, କଞ୍ଚା ଲଙ୍କା ପେଷ୍ଟ ଓ କିଛି ହଳଦୀ ଗୁଣ୍ଡ ପକାଇ ଭଲ ଭାବେ ଘାଣ୍ଟି ଏକ ମିଶ୍ରଣ ପ୍ରସ୍ତୁତ କରନ୍ତୁ। ସେଥିରେ ପୂର୍ବ ପ୍ରସ୍ତୁତ ଆଳୁକୁ ପକାନ୍ତୁ। ଆବଶ୍ୟକ ପରିମାଣର ଲୁଣ ଏବଂ ଲେମ୍ବୁ ରସ ପକାଇ ମିଶାଇ ଦିଅନ୍ତୁ। ଏବେ ଏକ ପାତ୍ରରେ କଦଳୀ ପତ୍ର ରଖି ବାହାର କରି ରଖନ୍ତୁ। ଶେଷରେ ୫-୭ ମିନିଟ୍ ପାଇଁ ଏହାକୁ ଗରମ କରି ନିଅନ୍ତୁ। ଏବେ ପ୍ରସ୍ତୁତ ହୋଇଗଲା ଭାପା ଆଳୁ। ଆପଣ ଏହାକୁ ନିଜେ ଖାଇବା ସହ ଅନ୍ୟମାନଙ୍କୁ ମଧ୍ୟ ଖୁଆନ୍ତୁ।