ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ୧୬ ବର୍ଷର ଦୀର୍ଘ କ୍ରିକେଟ୍ କ୍ୟାରିୟର ମଧ୍ୟରେ ୫୩୮ ଆନ୍ତର୍ଜାତୀୟ ମ୍ୟାଚ ଖେଳିବାର ଅଭିଜ୍ଞତା ହାସଲ କରିଛନ୍ତି ଏବଂ ୧୭ହଜାରରୁ ଅଧିକ ରନ କରିଛନ୍ତି। ତାଙ୍କ ଭଳି ଜଣେ କିମ୍ବଦନ୍ତୀ ବ୍ୟାଟ୍ସମ୍ୟାନ୍ଙ୍କୁ ଆଉଟ୍ କରିବା କୌଣସି ବୋଲରଙ୍କ ପାଇଁ ଗର୍ବର ବିଷୟ। ଯଦି ଜଣେ ଯୁବ ବୋଲର ଏହି କାମ କରନ୍ତି, ତେବେ ତାଙ୍କ ପାଇଁ ଖୁସିର ସୀମା ରହେ ନାହିଁ। କୋଲକାତା ନାଇଟ ରାଇଡର୍ସ ସ୍ପିନର ବରୁଣ ଚକ୍ରବର୍ତ୍ତୀ କ୍ରମାଗତ ଦ୍ୱିତୀୟ ଥର ପାଇଁ ଚେନ୍ନାଇ ସୁପର କିଙ୍ଗ୍ସ ଅଧିନାୟକ ଧୋନୀଙ୍କୁ ବୋଲ୍ଡ କରିଥିଲେ। ଦିନେ ଧୋନୀଙ୍କ ପାଇଁ ପାଗଳ ଥିବା ବରୁଣ ତାଙ୍କୁ ଦେଖିବା ପାଇଁ ସବୁବେଳେ ଚେନ୍ନାଇର ଚିପକ୍ ପଡିଆକୁ ଯାଉଥିଲେ। ତାଙ୍କୁ ବାରମ୍ବାର ଆଉଟ୍ କରିବା ବରୁଣଙ୍କ ପାଇଁ ଗର୍ବର ବିଷୟ ଥିଲା। ମ୍ୟାଚ ପରେ ନିଜ ପ୍ରିୟ ବ୍ୟାଟ୍ସମ୍ୟାନ୍ ଧୋନୀଙ୍କୁ ସେ ଭେଟିବାକୁ ଯାଇଥିଲେ। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ବରୁଣ ଚକ୍ରବର୍ତ୍ତୀ ଧୋନୀଙ୍କ ସହ କଥାବାର୍ତ୍ତା କରୁଥିବା ନଜର ଆସିଛନ୍ତି। ଦେଖାଯାଉଛି ଯେ ସେ ଧୋନୀଙ୍କଠାରୁ କୌଣସି ଟିପ୍ସ ନେଉଛନ୍ତି। ୧୬ ସେକେଣ୍ଡର ଏହି ଭିଡିଓରେ ବରୁଣ ଚକ୍ରବର୍ତ୍ତୀ ଧୋନୀଙ୍କ କଥାକୁ ଭଲଭାବେ ଶୁଣୁଛନ୍ତି।