ଘରକୁ ପରିଷ୍କାର ପରିଚ୍ଛନ୍ନ ରଖିବା ପାଇଁ ଆମେ ଘର ଝାଡ଼ୁ କରିଥାଉ। କିନ୍ତୁ ଏହି ଝାଡ଼ୁ କରିବାକୁ ନେଇ ବି କିଛିଟା ବାସ୍ତୁ ନିୟମ ରହିଛି; ଯାହାକୁ ମାନିଲେ ଘରେ ସୁଖଶାନ୍ତି ବୃଦ୍ଧି ହେବା ସହ ଐଶ୍ୱର୍ଯ୍ୟ ପ୍ରାପ୍ତି ହୋଇଥାଏ ବୋଲି ବିଶ୍ୱାସ ରହିଛି…
* ପୂଜା କରିସାରିବା ପରେ, ଭୋଜନ କରିବା ପରେ କିମ୍ବା ସନ୍ଧ୍ୟା ଦେଇସାରିବା ପରେ ଘରେ ଆଦୌ ଝାଡ଼ୁ କରିବା ଠିକ୍ ନୁହେଁ। ଅନ୍ୟପକ୍ଷେ ଘରର କୌଣସି ସଦସ୍ୟ କାମରେ ବାହାରିଯିବା ପରେ ସଙ୍ଗେ ସଙ୍ଗେ ଘରେ ଝାଡ଼ୁକରିବା ଉଚିତ ନୁହେଁ। ଏହାଦ୍ୱାରା ବ୍ୟକ୍ତିଙ୍କର କର୍ମରେ ବାଧା ଉପୁଜିଥାଏ ବୋଲି ବିଶ୍ୱାସ ରହିଛି।
*ରାତିରେ ବି ଘରକୁ ଆଦୌ ଝାଡ଼ୁ କରିବା ଉଚିତ ନୁହେଁ। ଯଦି କରୁଥାନ୍ତି, ତା’ହେଲେ ଭୁଲ୍ରେ ବି ଘରର ଅଳିଆ ବାହାରକୁ ନ କାଢ଼ି ଘରର କୌଣସି କୋଣରେ ରଖିଦେବେ। ପରଦିନ ସକାଳେ ଘର ଭଲଭାବେ ଓଳାଇ ଏହି ଅଳିଆକୁ ସଫା କରିଦେଲେ ଘର ପରିଷ୍କାର ଦେଖାଯିବା ସହ ମନକୁ ବେଶ୍ ଶାନ୍ତି ଲାଗିଥାଏ।
*ଝାଡ଼ୁ କରିବା ସମୟରେ କେବେ ଗପସପ ହୋଇ ଝାଡୁ କରିବେ ନାହିଁ। କାରଣ ଏପରି କଲେ ଧ୍ୟାନ ଏପଟସେପଟ ହୋଇଥାଏ; ଯଦ୍ଦ୍ବାରା ଘରର କିଛିକିଛି ସ୍ଥାନରେ ଧୂଳି ରହିଯାଏ; ଯାହା ମାତା ଲକ୍ଷ୍ମୀଙ୍କୁ ଆଦୌ ପସନ୍ଦ ନୁହେଁ। ତା’ସହ ଗପିବା ଯୋଗୁ ବେଳେବେଳେ କିଛି ଜରୁରୀ ଜିନିଷ ଭୁଲ୍ରେ ଝାଡୁରେ ଓଳେଇ ହୋଇ ବାହାରକୁ ଚାଲିଯିବାର ସମ୍ଭାବନା ବି ଥାଏ।