ହସଖୁସିର ପରିବାର ଜୀବନରେ ଶାନ୍ତି ଭରିଥାଏ। କାରଣ ପରିବାରରୁ ଆମକୁ ସବୁ ବିପଦକୁ ସାହସର ସହ ସାମ୍ନା କରିବାକୁ ଶକ୍ତି ମିଳିଥାଏ। ତେଣୁ ପରିବାର ସଦସ୍ୟଙ୍କ ଭିତରେ ସମ୍ପର୍କ କେମିତି ମଜଭୁତ ରହିବ ସେ ନେଇ ଜାଣନ୍ତୁ
କେତୋଟି ବାସ୍ତୁ ଟିପ୍ସ-
* ଲିଭିଂ ରୁମ୍ର ଦକ୍ଷିଣ-ପଶ୍ଚିମ ଦିଗରେ କ୍ରିଷ୍ଟାଲ୍ର ଏକ ବଡ଼ ସାଇଜ୍ର ବଲ୍ ରଖିଲେ ପରିବାରରେ ସ୍ନେହ, ପ୍ରେମ ବଢ଼ିଥାଏ ବୋଲି ବିଶ୍ୱାସ କରାଯାଏ। ଧ୍ୟାନଦେବେ ଲିଭିଂ ରୁମ୍ରେ ମାତ୍ର ଗୋଟିଏ ହିଁ କ୍ରିଷ୍ଟାଲ୍ ବଲ୍ ରଖିବେ ନଚେତ୍ ଟଙ୍ଗାଇଦେବେ, ଏକାଧିକ ଆଦୌ ରଖିବେ ନାହିଁ।
* ପରିବାରରେ ହସଖୁସିର ମାହୋଲକୁ ବଢ଼ାଇବା ପାଇଁ ପ୍ରତି ରୁମ୍ର ଦକ୍ଷିଣ-ପଶ୍ଚିମ ଦିଗରେ କ୍ରିମ୍ କଲର୍ର ଫୁଲଦାନୀରେ ହଳଦିଆ ରଙ୍ଗର ଫ୍ରେସ୍ ଫୁଲକୁ ରଖିପାରିବେ। ଫୁଲ ମଉଳିବାକୁ ଆରମ୍ଭ କଲେ ତୁରନ୍ତ ତାହାକୁ ବଦଳାଇଦେବେ। ଯେତେ ସମ୍ଭବ ଆର୍ଟିଫିସିଆଲ୍ ଫୁଲର କମ୍ ବ୍ୟବହାର କରିବେ।
* ପରିବାରରେ ଏକତାଭାବ ବୃଦ୍ଧି କରିବାକୁ ହେଲେ, ଲିଭିଂ ରୁମ୍ର ଦକ୍ଷିଣ-ପଶ୍ଚିମ କାନ୍ଥରେ ଫ୍ୟାମିଲି ଫଟୋ ଲଗାଇ ପାରିବେ। ଧ୍ୟାନଦେବେ ଫ୍ୟାମିଲି ଫଟୋରେ ଯେମିତି ସବୁ ସଦସ୍ୟଙ୍କ ମୁହଁରେ ହସ ରହିଥିବ। ତା’ଛଡ଼ା ଭିନ୍ନ ଭିନ୍ନ ଫଟୋ ନ ଲଗାଇ ଗୋଟିଏ ଫଟୋ ଏମିତି ଲଗାଇବେ ଯେଉଁଥିରେ ସବୁ ସଦସ୍ୟ ଏକାଠି ମିଶିକି ରହିଥିବେ।
* ବାସ୍ତୁଶାସ୍ତ୍ର ଅନୁଯାୟୀ, ପରିବାର ସଦସ୍ୟ ଏକାଠି ବସି ଭୋଜନ କଲେ ଘରେ ଖୁସିର ମାହୋଲ ବଢ଼ିବା ସହ ସମ୍ପର୍କ ମଜଭୁତ ହୋଇଥାଏ। ସବୁବେଳେ ସମ୍ଭବ ନହେଲେ ପ୍ରତିଦିନ ଗୋଟିଏ ଥର ହେଉନା କାହିଁକି ଏପରି କରିବାକୁ ଚେଷ୍ଟା କରିବା ଦରକାର।