ଜୟପୁର,୨୯।୯: ରାଜସ୍ଥାନରେ ଚଳିତ ବର୍ଷ ନଭେମ୍ବରରେ ବିଧାନସଭା ନିର୍ବାଚନ ହେବାକୁ ଯାଉଛି। ଏବେ ଏହାକୁ ନେଇ ସାରା ରାଜ୍ୟରେ ରାଜନୀତି ହୋଇଛି ସରଗରମ।ଏକ ଘରୋଇ ଟେଲିଭିଜନ ଚ୍ୟାନେଲ
ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରାଜସ୍ଥାନର ପୂର୍ବତନ ଭାଜପା ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଏବଂ କେନ୍ଦ୍ରୀୟ ନେତୃତ୍ୱ ମଧ୍ୟରେ ସବୁକିଛି ଠିକ ନ ଥିଲା, କିନ୍ତୁ ବୁଧବାର (ସେପ୍ଟେମ୍ବର ୨୭) ରେ ଦୁଇ ନେତା (ଅମିତ ଶାହା-ବସୁନ୍ଧରା ରାଜେ) ଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହାପରେ ବସୁନ୍ଧରା ରାଜେ ସଭାଟି ବହୁତ ଭଲ ବୋଲି କହି ବାହାରକୁ ଆସିଥିଲେ।
ଭାଜପା କୋର ଗ୍ରୁପ ବୈଠକ ଆରମ୍ଭ ହେବା ପରେ ଯେତେବେଳେ ସଭାର ସାରାଂଶ ବାହାରିଲା ସେତେବେଳେ ଲୋକଙ୍କ ଆଖି କେବଳ ବସୁନ୍ଧରାଙ୍କ ଅଭିବ୍ୟକ୍ତି ଉପରେ ଥିଲା। ଲୋକମାନେ ତାଙ୍କ ବଡି ଲାଙ୍ଗୁଏଜକୁ ଦେଖିବାକୁ ଏବଂ ବୁଝିବାକୁ ଚାହୁଁଥିଲେ। ଭିଡିଓରେ ଦେଖିବାକୁ ମିଳିଛି ଯେ ଗଜେନ୍ଦ୍ର ସିଂ ଶେଖାଓ୍ବତ ବସୁନ୍ଧରାଙ୍କ ଗୋଟିଏ ପାର୍ଶ୍ୱରେ ଏବଂ ରାଜ୍ୟବର୍ଦ୍ଧନ ରାଠୋଡ ଅନ୍ୟ ପଟେ ବସିଛନ୍ତି। ଏହି ବୈଠକ ସେଚ ପର୍ଯ୍ୟନ୍ତ ଥିଲା ଯେପର୍ଯ୍ୟନ୍ତ ଅମିତ ଶାହା ଏବଂ ଜେପି ନଡ୍ଡା ବୈଠକରେ ପହଞ୍ଚି ନ ଥିଲେ। ଉଭୟ ନେତା ସେଠାରେ ପହଞ୍ଚିବା ମାତ୍ରେ ବସିବାର ବ୍ୟବସ୍ଥା ବଦଳିଗଯାଇଥିଲା।
ବିଶେଷ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି କି ବୁଧବାର ରାତିରେ କୋର କମିଟି ବୈଠକରେ ଅମିତ ଶାହା, ଜେପି ନଡ୍ଡା ଏବଂ ସଂଗଠନର ସାଧାରଣ ସମ୍ପାଦକ ବି.ଏଲ ସନ୍ତୋଷଙ୍କ ମଧ୍ୟରେ ଏକ ଗୁପ୍ତ ବୈଠକ ହୋଇଥିଲା। ଏହି ବୈଠକରେ ବସୁନ୍ଧରାଙ୍କୁ ନିଶ୍ଚିତ କରାଯାଇଛି ଯେ ନିର୍ବାଚନରେ ଦଳ ତାଙ୍କ ସମ୍ମାନର ସମ୍ପୂର୍ଣ୍ଣ ଯତ୍ନ ନେବ। ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ ଏଥର ବାସୁନ୍ଧରା ରାଜେ ରାଜସ୍ଥାନରେ ନିର୍ବାଚନ ଦାୟିତ୍ୱ ଗ୍ରହଣ କରିବେ ନା ତାଙ୍କୁ ମୁଖ୍ୟମନ୍ତ୍ରୀ ରେସରେ ସାମିଲ କରାଯିବ।